Beliebte Verse in JÃ 6

Teilen

Jeju eld an: Mĩ la mĩ nyasa kɨ ngekad kumkajir deg. De'n ndɨ ɗe romt ɓo a õa gog al bat, na de'n ndɨ adɨm kamɨn tɔ a ne, kɨnda a õa gog al bat tɔ.

I Ndil Luwah la ndɨ ad kumkajir ye, na dãro asɨ ɗa nya mad al. Tag'n m'elsɨ i Ndil, na i kumkajir ho.

Ot ɗan kɨla kɨta nyasa kɨ a ndum, na i ɗan kɨla kɨta nyasa kɨ a tokɨnõt na a ad kumkajir kɨ mbãkɨnõt, nyasa'n non Ngon de la a adsɨ ye, kɨta ĩla Luwah kɨ bɔw ja kɨrra tɔgɨn roat ye.

Titbe la i ndig lo Bɔwm ye, kɨ deg tube'n oon Ngon, na adɨna kamd ye, a ngahn kumkajir kɨ mbãkɨnõt, na m'a m'ad'd ɓain lo koit ndɔ kɨ dɔboit.

Jeju turd an: Kɨla'n Luwah ge ko rosɨt la ten: Kɨ adɨn kamsɨ ngona'n laa kɨ rosɨt.

Deg tube'n Bɔwm lad jimt a ɗen romt, na de'n ndɨ ɗe romt a ne, m'a m'laa kɔ al.

Simõ Pierr tura an: Bɨraɓe kaa j'aw ɗa a? Ĩ la i ndɨ kɨ tag kɨ kad deg kumkajir kɨ mbãkɨnõt ye.

Mĩ la mĩ nyasa kumkajir kɨ ɗisɨ ko dɔrãt ye. Ĩla de mad sa nyasa'n non a ne, a ndɨ kɨ dɔn dõ mbãkɨnõt, na nyasa'n m'a mad deg i dãrom'n m'a mad deg kɨ dɔningt kad ngahn ne kumkajir.

De kɨ asɨ ɗe romt kɨ dɔn goto, na ĩla Bɔwm kɨ ngelam laa kɨ romt tã, na mĩ m'a m'ada ɓai lo koit ndɔ kɨ dɔboit.

Kɨtɔ nyasa'n Luwah ad, i nyasa kɨ ɗisɨ ko dɔrãt, na ad kumkajir deg kɨ dɔningt.

Mĩ nyasa kɨ kad kumkajir.

Jeju ɔi kuɓɨr bɨna'n non kɨ jint, ɗa mersi Luwah, kamla luɓo koosɨdeg'n ndin ber nõ. Luɓod kanj titbe tɔ, ad'd kɨ asɨ tɔl ɓo dekɨɗen. Lon san ad ndenɨn woi ye, Jeju eld an: I kawɨn bud kuɓɨr bɨna ye kɨ nat lo kɨɗa, kad tuj al.

Ngéndoog nelɨn too teen ɓul bahbot asɨ kilometɨr mi, lon oon Jeju a ndia dɔ bahbot a ɗe nderbe kɨ dɔ toot ye, ɓoolɨn, na Jeju eld an ot ɓoolɨn: I mĩ.