Beliebte Verse in Joani 16

Teilen

Chinahoshi nenu mwenimu, nalondi nami mumoni kuwunda mudami. Mukumona lukadi mumpata yamunu mwishina, ilaŋa tiyenu kuwaha, ami nemiki mpata yamunu mwishina mushindu.

Ilaŋa chakenzayi Spiritu wansaŋu yalala, wakayileja mwahita nsaŋu yalala yejima. Hakahoshaŋa yakumucnima windi yomwenuku, wakahoshaŋa mwatiyaloŋayi mwejima, wakashimunaŋahu dehi yuma yakenza.

Kanda mulombaŋahu dehi chuma mwijina damuku. Lombenu mutambuli, kulonda muzaŋalu wenu wuwanini.

Hela chochu, nukuyileja mwalala nami, chinukufumahu chikuyiwahilenu; neyi nukubula kufumahu, Nkwashi hakwinza kudenuku; ilaŋa neyi nukuya, nakamutemesha enzi kudenu. Niyena chakenzayi, wakakonkolola antu ampata yamunu mwishina nansaŋu yanshidi, nansaŋu yakuloŋa, ninansaŋu yakusompesha.

Dichi enu mudi nakuneŋa katataka, ilaŋa nakayimona cheŋi, mwakazaŋalala munyichima yenu, nimuzaŋalu wenu kwosi wakayitambulawuku. Dena ifuku odu himwakaŋihula cheŋi chumaku. Chalala chalala, nukuyileja nami, neyi hadi chuma chimwakamulomba Tata, wakayinkachu mwijina dami.

Chalala chalala, nukuyileja nami, mukudila, mukululuta, hakwila antu ampata yamunu mwishina akuzaŋalala. Enu mukuneŋa, ilaŋa kuneŋa kwenu kwakabalumuka muzaŋalu.