Beliebte Verse in MI CILIMA 17

Teilen

Abalama n den pia piiyia n bina yia yaa yogunu, Li Miali Diedo den doagidi Abalama kani ki yedi o: «N tie U Tienu U Paaciamu Kuli Daano. Ŋan yaa cuoni n nintuali ki tiegi

Bi kan go yini a Abalama moala, dinla liiga a yeli baa tie Abalahama kelima n teni ke a tua i nibuoli boncianla yaa baa.

N baa kuani n ŋantaado leni fini leni a puoliŋuani nifiima nni kuli. Li baa yaa tie yaa ŋantaado kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.

«Diidi n ŋantaado, min kuani apo yua: A baa tua i nibuoli boncianla yaa baa.

«Mini ka yedi a te, a pua Sala baa maa apo bonjaga. A baa yini o yeli Isaaka n baa kuani o ŋantaado leni wani. Lani n tie yaa ŋantaado n kan gbeni ki baa ye leni o puoliŋuani.

N baa pa fini leni a puoliŋuani yaaba n ŋua a puoli ŋan ye yaa diema nni moala ki tie o caano, Kanana diema kuli yeni ke man yaa tie bi yaa diema yaa yogunu kuli po. N baa tie bi Tienu.»

Abalahama den gbaani ki pugi. O den laa ki yedi o pali nni: «Yaa ja n pia bina kobiga baa fidi ki maa ki biga lede? Sala wani n nan pia bina piiyia yeni o go baa fidii maa?»

U Tienu go den yedi Abalahama: «Ŋan da go yini a pua Salai.

Yi baa kua ku koanciagu ke li baa tie o ŋantaado yaa maalima mini leni yinba siiga.

Ama n baa kuani o ŋantaado leni Isaaka, Sala n baa maa apo yua yaa binli n kpendi u naa yogunu po.»

Yi siiga nni bonjaga kuli yaa pundi dana nii yin kuani o ku koanciagu nani yi yaa nifiima n baa tie maama. Baa o yonbo ban mali yua a diegu nni leni ŋan da yua leni a ligi kuli baa kua ku koanciagu. Lani n baa tie n ŋantaado maalima yi gbanandi nni hali yaa yogunu n kan gbeni.