Beliebte Verse in Махьтвеест 5

Teilen

И пуэлханч тувас асьте вуэлла ій ціеӈкхувэ, а ціеӈкхув тувас юльг элэ, и чуэв пукійт пэртест. Нит ань чуэв тинэ чув олмый эвдест, што сій уйнчин тинэ шиг туійт, и китчин тинэ альм‐адже.

Тій ліеппед тан альме чув. Ій уэй кахтьед лань, чуэнчей тіерм альн.

Оазлэж тэк ліеб, кук ліеб кутькійнис пухтас; сій линчин уйнед Иммель.

Оазлэж тэк ліеб, кук ліеб вуйкедвудэ ніельгест и кошкест; тэн гуэйк што сій линчин калнанч.

А мун цялкам тійе: шабшеккед иджант пас‐олмыйт, блавэсловвед кук тиныйт кордин, туйшеккед сійе пуре, кук тиныйт іеб шабешт, и коммердэллед тэй эвтель, кук тиныйт чудзъхэллэб и выхчтеб

Оазлэж тэк ліеб, кук ліеб вайваш иӈкійнис; тэн гуэйк што сннэ ли альме цар‐валт.

Оазлэж мырдэттей ліеб; линчин сій сарнманч Иммель алькен.

Оазлэж ліеб луйкей; тэн гуэйк што сій іэскеб.

Оазлэж тэк ліеб, кук ліеб вуэеханч іерс сайя вуйкедвудэ гуэйк: синэ ли альм‐царство.

Оазлэж ліеб тэк, кук ліеб лавьдес олмо; сійе лянч лавьдесвут.

Оазлэж тій ліеппед, куэсь тинійт линчиш санійн чудзхэллэд и вуехед и юккеналла віере саный?-?гуэйм тиныйт віерьхэллэд мунэ гуэйк. Рамшэттед и віеслушшед; тэн гуэйк што Шурэ ліеб тинест лайхе альмест: нит вуехиш и пророкійт, кук лейин эвтель тинэ.

Оазлэж тэк ліеб, кук ліеб суэне; тэн гуэйк што сійе кутьед лянч іемне.

Тій ліеппед іемней суль. Буди суль кадхинч самайдис, мыйн сонэ туйшах суэллэй? Сон уже ни коз ій анехт, а што суэхпьед сонэ олкус олмыйт пайель ваньцем налла.

И нит тій куэтьеккед тивтса, кохт тинэ альм‐ачь ли тивтас.

А ань нит лянч тинэ сань: ли, ли, иллях, иллях; а ми ли тан элэ, тэт ли нюэзест.

Тій кулыйт што ляй цялхканч: чальм чальме сайя и пань пане сайя. А мун тійе сарнам: іеле вуэстласьт нюзійн. Ну кіе тонэ часк уэльгис‐піель нирре, кавест сонне и нумпь піель.

Буди тонэ уэльгис‐піель чальм тонэ вык ряхка; рутте сонэ мянда и суэхпе иджесант паго: тэн‐гуэйк што пурямп лянч тонне, што тонст эхт рувь майкьяхч, а й лихче пук тонэ роӈкь суэхпьянч атто. І буди тонэ уэльгис‐піель кит тонэ вык ряхка; чуп сонэ іерс сайя, и суэхпе иджесант; тэн гуэйк што лянч пурямп тонне што майкьяхч эхт рувь тонст а ій пук лихче тонэ роӈкь суэхпьянч атто.