Beliebte Verse in Jua 19

Teilen

Ku Kjesuu skutꞌa xan ku ku̱i̱cha kitsú: «Je itjusun ngieje». Jaskan, yejen tku̱ ku kꞌen.

Je tjijínre Kjesuu nga je itjusunre ngieje najmi xi kitsúre̱ Namiña Diuu̱. Kui kju̱a̱, tuxi bitjusún xi tichja Xu̱ju̱n Enꞌen Namiña Diuu̱, ku̱i̱cha kitsú: «Xindana».

Nga kube naꞌen Kjesuu nga siantꞌare xta̱ xi ikuyáre xi tjo kumáre, ku ku̱i̱cha kitsúre̱: «Na, kꞌi̱a̱ sianjonri kjindiri.» Jaskan ku̱a̱cha kitsúre̱ xta̱ xi ikuyáre: «Kꞌi̱a̱ kitjian nári.» Ku kuima chu̱ba, xta̱ xi ikuyáre Kjesuu kiju Maria niꞌyaꞌe̱.

Nga jichutꞌare Kjesuu, kube nga je kꞌen. Kui kju̱a̱ kichjotꞌojíre ndsaku. Ta̱nga ngingu najmi, ngu xu̱ta̱ jun isénre kicha yajoxkun tꞌa ndanisinꞌen Kjesuu, ku tekuini ura itjure jín ku ndijua.

Itjusun ngieje kui najmi xi tjichja Xu̱ju̱n Enꞌen Namiña Diuu̱: «Nga ngují nindaꞌe chjotꞌo». Ku kjaꞌi tjitꞌaꞌe Xu̱ju̱n Enꞌen Namiña Diuu̱ xi tjitsú: «Kꞌi̱a̱ chaséjnu kui xi kicha yajoxkun kinikꞌatiukja yajo̱ꞌe». Kui xi ku̱a̱cha tjitsú, tekuácha kube najmi xi kumá, ku bé nga kju̱a̱xikjain ngieje kui najmi. Kui xi tjichja, tekuácha kube najmi xi kuma, ku be ngieje nga kju̱a̱xikjain.

Ku tekuini Kjesuu tsakꞌa kruꞌe̱ nga itju, ku ngande xi ꞌmí Ngolngota kijí, xi mejénre tsu nga én ebreo̱ «Ngande Ninda tku̱ mikꞌen».

Jaskan, ngu korona naꞌya kitsindá jón romano ku tku̱ Kjesuu ꞌyeꞌa. Tekuácha ngu najñu ndiu xi aní chjindi kitsikajá