Beliebte Verse in Luk 6

Teilen

Mugabe, naimwe muryaheebwa. Endengo eijwire eigatiirwe, eshekyeziibwe kandi erikusheesheka, niyo erishukwa omu kikondooro kyanyu; ahabw'okuba endengo ei murirengamu, naimwe niyo murirengyerwamu.

Omuntu omurungi aiha ebirungi aha birungi ebi agira omu mutima gwe, n'omuntu mubi aiha ebibi aha bibi ebi agira omu mutima gwe. Manya ebiijwire omutima nibyo akanwa kagamba.

Haakiri mukunde abazigu baanyu, mukore ebirungi, kandi muguze mutaine matsiko g'okuzimuurirwa, ngu nabo nyentsya babaguze. Obwo nibwo muritunga ekihembo kihango, mukaba abaana ba Rukiraboona, ahabw'okuba we aba ow'embabazi aha ntasiima n'enkozi z'ebibi.

Mube ab'embabazi nka Shoimwe oku ari ow'embabazi.

Mutaricwa orubanja, naimwe nibwo mutarirucwerwa; mutarisingisiriza, naimwe nibwo mutarisingisirizibwa; musaasire, naimwe muryasaasirwa.

Mbwenu imwe abantegire amatu, nimbagambira nti: Mukunde abazigu baanyu, mukore gye abarikubanga. Abarikubakyeena mubashabire emigisha, mushabire n'abarikubatwaza kubi.

Nk'oku mwenda abandi ngu babatwaze, naimwe mube nikwo mwabatwaza.

Oraakuteere oruhi rw'omushaya omutegye n'ogwa kabiri; oraatware omunagiro gwawe otamwima n'ekanzu. Oraakushabe weena omuhe, kandi n'oraakusikureho ekyawe otarikimwenza.

Tihariho muti murungi ogwana ebijuma bibi, nari omuti mubi ogwana ebijuma birungi.

Manya omuti gumanyirwa aha bijuma byagwo. Abantu tibashoroma mitiini ha minyinya, nari emizaabibu aha bushebashebe.