Beliebte Verse in Jan 16

Teilen

Mo di zòt tousa pou zòt ganyen lapè ké mo. Ansou latè-a, zòt ké gen pou soufri. Mé pa pè, mo déja gannyen konba-a kont pwisans latè-a

Lò Lèsprisen-an ké vini, li ké kondwi zòt annan tout lavérité-a. Li pa ké palé an so prop non, mé li ké palé di sa li tandé, é li ké di zòt sa ki ké rivé.

Jisk anprézan, zòt pòkò doumandé anyen tou an mo non. Doumandé é zòt ké risouvwè, é konsa zòt tchò ké kontan toubònman.”

Atò, mo di zòt lavérité: i miyò pou zòt ki mo alé; si mo pa alé, Lèsprisen-an péké vini édé zòt. Mé si mo alé, mo ké voyé l pou zòt. E lò li ké vini, li ké montré moun latè yé ka tronpé yé kò ansou sa ki péché, sa ki maché drèt é sa ki jijman Bondjé

A konsa, anprézan zòt gen lapenn, mé mo ké viré wè zòt, é zòt tchò ké kontan toubònman, é sa tchò kontan pésonn péké pouvé tiré l. Lò sa jou-a ké rivé, zòt péké bizwen doumandé mo anyen ankò. Enren, sa mo ka di zòt a lavérité: Papa-a ké bay zòt tousa zòt doumandé l an mo non.

Enren, sa mo ka di zòt a lavérité, zòt ké kriyé, zòt ké rélé ké chagren, mé moun latè-a ké kontan. Zòt ké gen lapenn, mé zòt lapenn ké tounen an tchò kontan.