Beliebte Verse in मत्ती 15

Teilen

पर ज़ो मुँहै न बाहरै निकल़ा सा, सौ तेइरै मना न निकल़ा सा होर तेइबै छ़ोत लागा सा। किबैकि बुरै विचार, लोहू केरनै रा विचार, व्यभिचार, च़ोरी केरनै रा विचार, झ़ूठ बोलणा होर निन्दा केरना ऐ बुरै विच़ार मना न निकल़ा सी।

मांहणु रै मुँहै न ज़ो भीतरा बै ज़ा सा, तेईन तेइबै छ़ोत नी लागदी बल्कि तेइरै मुँहा न निकल़ैदै शब्दा न तेइबै छ़ोत लागा सा।”

‘ऐ आपणै मुँहा न मेरा आदर केरा सी, पर इन्हरा मन मूँ न दूर रौहा सा। मेरी तैंईंयैं तिन्हरी पूजा व्यर्थ सा, किबैकि तिन्हरी शिक्षा मांहणुऐ बणाऐदै नियम सी।’ ”

तैबै यीशुऐ तेसा बेटड़ी बै बोलू, “तेरा बशाह बड़ा सा; ज़ो तू चाहा सा, सौ तेरी तैंईंयैं पूरा लोड़ी हुआ।” होर तेसरी बेटी तुरन्त ठीक हुई।

तैबै सौ बेटड़ी आई होर, टुँबड़ै पौड़िया यीशु हागै अर्ज़ा केरी, “ओ प्रभु, मुँभै बच़ात्।” यीशुऐ ज़वाब धिना, “बच्च़ै री रोटी नेइया घौरकै कुतै बै देणा ठीक नी ऑथि।” तेसै बेटड़ियै बोलू, “ऐ ठीक सा प्रभु, पर कुतै भी ता मालकै री मेज़ा न शेटु दै चूर-च़ार खा सी।”