Beliebte Verse in LUKI 6

Teilen

A nungaa wekeisia gɔ, na lɔ a wie Ngewɔ i wu gɔ. A tɔnya, humangɔ a yɛla wu wɛ pandawanda, sɔsɔngɔ, a wu ma, ti pote wu kpafɛi hu i ndave. Ajifa humayii na wa huma la nungaa wekeisia wɛ, tamia Ngewɔ a huma la wu wɛ.”

Numu yekpei a gbua a hani yekpe lɔ kpekpei yeekpatɛi na hu a yɛ wuni ngi lii hu; numu nyamui a gbua a hani nyamui lɔ nyamui yeekpatɛi na hu a yɛ wuni ngi lii hu. Ajifa na a yɛ numu lii lavengɔ, ta mia ngi lɛi a yɛpɛla.

Sawo! A lo a wu juwuisia, wu hinda yekpe wie a tie; a kpɛi wili, wu lii aa yɛ kpuala ma. Na wiengaa, wa yɛlɔ a Ngewɔ Lɛngɔ Wai hingaleengeisia. Ajifa ngi gbekpengɔi a fisiwɔliblɛisia kɛɛ hinda nyamu wieblɛisia.

A manuma wie kia lɔɔ wu Kɛɛ manumangɔ.

“Waa kiti lewe nungaa wekeisia ma, na lɔ a wie Ngewɔ bɛɛ ɛɛ kiti lewe wu ma; wa nungaa wekeisia lɛɛ, na lɔ a wie Ngewɔ ɛɛ wua bɛɛ lɛɛ; a manu nungaa wekeisia ma, na lɔ a wie Ngewɔ i maanu wu ma.

“Wua wu nya woi mɛnima, gbɛɛ ngi nde wu ma: A lo a wu juwuisia, wu kpekpe wie a nasia ti lolongɔ a wue, wu nasia luba ta wu jondu, wu Ngewɔ vɛli nasia va ta wu bɛlɛ nyani.

Pie a nungaa kia bi longɔ ti pie a bie.

Numu gbi i bi bawɛi yeengila hugbolɛnga, luma i yeepekei bɛɛ hugbolɛ; numu i bi bobani houngaa, ba ngi goma a bi loma bu lomɛi bɛɛ. Numu gbi i hani vɛlinga bi ma, fe ngi wɛ; tawao numui na a li a bi hakeisia, ba gbɔma ngi mɔli fa.

“Ngulu yekpe ɛɛ wua a nguluwa nyamu, tawao ngulu nyamu ɛɛ wua a nguluwa yekpe.

Ta ngulii gbi gɔɔ ngi wɛi ma lɔ; wɛɛ figi gbenda ngali gbɔvoi ya tawao wɛɛ lumbe gbenda ngali gbɔvoi ya.