Beliebte Verse in LUKI 3

Teilen

Ji Jɔn yɛ kpɔyɔni a nungeisia kpɛlɛɛ wuala, i Yesu bɛɛ wuailɔ. Kia Yesu i yɛ hɛɛma Ngewɔ ma, ngelei lawoilɔ, kɛ Ngewɔ Yafei i gbuanga na, kpuangɔ a bomukulo, i yɛi i hɛlɛ ngi mahu. Kɛ ngo gbuanga aijɛnɛ i nde ngi ma yɛ, “Bia mia nya nda liima Hindo-loi a bie. Nya lii lɛlingɔe bi va.”

Faale, Jɔn ndeilɔ ti kpɛlɛɛ ma yɛ, “Nya ngi wu wua ma a njɛi lɔ, kɛɛ numu lɔ wama nya wooma, na kpaya ngi wɛ i lewe nya ndɛi ma. Nya ngii gbekpeni kulobɛɛ ngi gɔwɛi mayeyei vulova. Ta, a wu wua a Ngewɔ Yafei lɔ kɛɛ a ngɔmbui.

A hindei nasia wie ti mahoungɔ ta kɛ a numu gbi kɛ wu wotenga wu gbelenga wu jumbuisia ma. Kɛɛ waa tɔtoo a ndela wu nyɔunyɔ ma wuɛ Ebraham mia wu maada le wɔɔ. Ngi nde wu ma na, kɛ Ngewɔ a gulɔ i gaŋaa gɔtii jisia wumbu, i ti wote a ndengaa Ebraham va!

Kiahuna, konii lɔ laani nguliisia bu ti wɔɔva ti hapeisia ma; ngulii na gbi lekee ii wuailɔ a ngua yekpe gbi, ta pɔɔlɔ i gula, ti tewe-tewe, ti pili ngɔmbui ya i mɔ na.”

Kia nyɛingɔ la Ngewɔ-layia-lemɔi Aisaya buku nyɛingɔi hu yɛ: “Numu yila woi lɔ gbuama ŋanya lɔlei ma a nde yɛ: ‘A humbu a pelei la kaka Ndemɔi wɛ; A pele wɔnangɔ la ngi wɛ jiava hu! Mahoungɔe kambo gbi la i ve a pɔlɛi, mbimbili gbi taa ngiyei ti wunga i hɛwu. Mahoungɔe wu pele huganungɔisia wɔna, kɛɛ wu pie pele-hu kpuja kpuja-ngɔisia ti hu i gbongbo nɛwɛnɛwɛ. “ ‘Na wiengaa, nungaa lasi gbi lekee ngelebu, ta gulɔ ti Ngewɔ bawoyɛi hu lɔ i ndanga ti va!’ ”