Beliebte Verse in JƆN 10

Teilen

Humamɔi ta a wa lekee humɛi wieva lɔ kɛɛ paa wiela kɛɛ hunyanila; nya ngi waalɔ aako ti ndɛvu majɔɔ tawao ti majɔɔ ndavengɔ kpauŋ.

“Nya lɔ mbala mahugbemɔ yekpei a nge. Mbala mahugbemɔ yekpei a lumalɔ i ngi lɛɛvui ve ngi balangɛisia va.

Nya balangɛisia ti nya woohu gɔɔlɔ tawao ngi ti gɔɔlɔ; ta tolɔ nya ma

tawao nga ti gɔlɔ a kunafɔ lɛɛvui. Kunafɔ tɛ jukulu tawao numu gbi ɛɛ ti gbua nya yeya.

Nya wiengɔe kia pɛlei lamɛi na; numu gbi i wuaangaa a nya hu wee, a bawolɔ tawao a wuaalɔ a gbua, a mɛlima yekpe majɔɔ.

Mbala mahugbemɔ yekpei a nya lɔ; ngi nya nda balangɛisia gɔɔlɔ tawao nya ndɛisia ti nya gɔɔlɔ

Nya Kɛkɛ na i ti veni nya wɛ i leweni numu gbi ma tawao numu gbi ɛɛ gu aa ti gbua nya Kɛkɛ yeya. Mua nya Kɛkɛ mu yakpe.”

kia nya Kɛkɛi i nya gɔngɔ la, nya bɛɛ ngi nya Kɛkɛi gɔɔngɔ; tawao nga nya lɛɛvui velɔ nya balangɛisia va.

Numu gbi ɛɛ kpua nya yeya, nya vulii lɔ nga fe a nya nyɛkɛ. Kpaya lɔ nya wɛ ndava tawao kpaya lɔ nya wɛ mbumbuva gbɔma. Ji mia nya Kɛkɛ i ndenga nya ma yɛ ngi pie.”

Faale, Yesu i gbɔma ndeilɔ ti ma yɛ, “Gbɛɛ ngi tɔnyɛi hugɛ a wue, nya wiengɔe kia kulii lamɛi na mbalangɛisia va.

Pawa yengemɔi ta mbala mahugbemɔi yaa a ngie tawao mbalangɛisia tii yɛni a ngi woo; a fula huɛi lɔlɔ a wa, i mbalangɛisia lo, i lewe a piimɛ. Fula huɛi a walɔ i mbalɛi yeengila hou, i yeepekeisia huvaya.

“Gbɛɛ ngi tɔnyɛi hugɛ a wue, numui na ɛɛ wuaa mbalangɛisia ti kulii hu a yeendamɛi wee, kɛɛ a windɛ kunɛ i wuaa a pele weka yɛni a kapumɔ lɔ kɛɛ humamɔ.