Beliebte Verse in LIRAANGA 18

Teilen

Shindu shilikhuho shinyala khulechelela Mwami Nyasaye? Khuli mboli khale, mieli tisa nichiakhavira khurula nunundi, niitsa khukalukha, khandi Sara aliitsa khuva niyivula khale mwana wi shiyayi.”

Sara yaseshela mu mwoyo navoola, “Lwa nasakhula, khandi musatsa wanje wasakhula, nyala khwivula mwana wosi?”

Vitsukhulu veve valiitsa khuva vanyishi, khandi luhia lwi tsingulu tsinyishi; khandi khuvirila khuye, vandu vi tsimbia tsiosi mu shivala, valiitsa khukasistswa.

Khulwa yako, Aburahamu yisuunda himbi khu Mwami Nyasaye, namureeva: “Ni kilikali, uliitsa khutivitsa vandu vi likhola liu vulunji nende vandu vatamanu? Niiva khuli na vandu vi likhola liu vulunji makhomi karanu mu litaala lienelo, unyala khutivitsa litaala liosi? Shiunyala khuvalolela tsimbavasi, uhonyinyi vandu makhomi karanu?

Mwami Nyasaye yavoola, “Niiva nanyola vandu vi likhola liu vulunji makhomi karanu mu litaala lia Sodomu, nalolela tsimbavasi litaala lienelo shichila vo.”