Beliebte Verse in TAUNET 1

Teilen

Kimwa Kamuktaindet kole, Ongeyai chito eng’ itondanyo, ko u kergeindanyo: ak ingoboi ichek njirenik che mi nyanjosiek, ak taritik che bo barak, ak tuga, ak ng’ony komugul, ak tiong’ik tugul che ichuutegei ng’ony. Kitoi anyun Kamuktaindet koyai chito eng’ itondanyi, kitoi koyai chito eng’ itondab Kamuktaindet; kitoi koyai muren ak tie.

Ak kiiberur Kamuktaindet ichek; ak kilenji Kamuktaindet ichek, Oiiye, otesage, si onyi ng’ony; ak obou; ak olaitorane njirenik che bo nyanjosiek, ak taritik che bo barak, ak kiy age tugul ne sobei ne wendote ng’ony.

Eng’ taunet, ko kitoi Kamuktaindet koyai kipsengwetisiek ak ng’ony.

Ak kima komi kiy ng’ony ak kima kotinyei iton; ak kimi mesundeito baragutab riret; kiwendoti Tamirmirietab kamuktaindet baragutab beek.

Ak kimwa Kamuktaindet kole, Ingolapkeit; kolapkeit.

Ak kigeer Kamuktaindet tuguk tugul che kiga koyai kole miachen mising’. Ak kiek koskoleny ak kiek karon, betut ne bo lo.

Kigeer anyun Kamuktaindet lapkeiyet, kole mie: ak kiibesio Kamuktaindet lapkeiyet ak mesundeito.

Ak kimwa Kamuktaindet kole, Ogeero, kaagonok ketik alak tugul che mengechen che bo timin che tinyei keswek che mi baragutab ng’ony, ak ket age tugul ne tinyei logoekyik keswek, koek amitwogikwok.

Kiguure Kamuktaindet lapkeiyet Bet, ak kiguure mesundeito Kemoi. Ak kiek koskoleny ak kiek karon, betut agenge.

Kimwa Kamuktaindet kole, Ingobiit soet eng’ kwenutab beek, si kobesio beek chu ak beek chun.

Kaagochi anyun ketik alak tugul che mengechen che nyalilen koek amitwogikab tiony age tugul ne bo ng’ony; ak tarit age tugul ne bo barak, ak kiy age tugul ne ichuutegei ng’ony ne tinyei kabusetab sobondo; ak kiyaak ko u noto.

Ak kimwa Kamuktaindet kole, Ingobiit tuguk che iluu eng’ soetab kipsengwetisiek si kobiit kobesio bet ak kemoi; si koek choto kaborunoik, che bo arawek, ak betusiek ak kenyisiek

Ak kimwa Kamuktaindet kole, Ingobityo suswek eng’ ng’ony - ketik alak tugul che mengechen che bo timin, che yiei keswek, ak ketik che bo logoek che yiei logoek ko u kergeindanywa che tinyei keswekwak eng’ orinywa eng’ ng’ony; ak kiyaak ko u noto.

Ak kiyai Kamuktaindet soet, ak kiibesio beek che mi kureretab soet ak che mi baragutab soet; ak kiyaak ko u noto.

Kibityo anyun suswek eng’ ng’ony, ketik alak tugul che mengechen che bo timin che yiei keswek ko u kergeindanywa, ak ketik che yiei logoek, che tinyei keswekwak eng’ orinywa, ko u kergeindanywa, ak kigeer Kamuktaindet kole mie.

Kiyai Kamuktaindet tuguk che iluu aeng’ che eechen; si kobiit koboi ne o bet, ak koboi kemoi ne ming’in; kiyai kecheik agichek.

Ak kimwa Kamuktaindet kole, Ingoyumjigei beek yeto agenge che mi kureretab kipsengwetisiek, ak ingotook emet ne mami beek; ak kiyaak ko u noto. Ak kiguure Kamuktaindet emet ne mami beek Ng’ony; ak kiguure beek che kagoyumgei Nyanjosiek; ak kigeer anyun Kamuktaindet kole mie.

Kiiberur Kamuktaindet ichek, kolenji, Oiiye, otesage, onyi beekab nyanjosiek, ak ingotesogis taritik eng’ ng’ony.

Kimwa Kamuktaindet kole, Ingoii ng’ony tuguk che soptos ko u kergeindanywa, tuga, ak che ichuutegei, ak tiong’ik che bo ng’ony ko u kergeindanywa; ak kiyaak ko u noto.

Ak kimwa Kamuktaindet kole, Ingochang’a koek ng’isiat tuguk che soptos eng’ beek, ingotirirenso taritik eng’ baragutab ng’ony eng’ soetab kipsengwetisiek.

Ak kiyai Kamuktaindet tiong’ik che bo ng’ony ko u kergeindanywa, ak tuga ko u kergeindanywa; ak tuguk tugul che ichuutegei eng’ ng’ony ko u kergeindanywa; ak kigeer Kamuktaindet kole mie.