Beliebte Verse in LUKAT 12

Teilen

An aap aret nda'nagagirak nogo o ndiyom paga woroorak nombaka'lek kiigak, woraagin me, kit kunduk mondok li'luk eeppunuk, logonip o,” yinuk, yoragagerak.

Kit aa'nduk Ala abu'me pinagarak nduk, Ao, mba'nuk, mugurok nogwe kiinok, ti mendek abok aret oba luunogo wokkirage kaamunggup o,” yinuk, yoragagerak.

Yoge nagagirik, Yetut nen aakumi yorage logonet, ”Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippinip o,” yoragagerak.

Kinamendek kuwak eerak wonage me, kiniki kunduk, time aret logogin o,” yinuk, yoragagerak.

Kit ambi kambuurak eyom panggoni wagaarak kagak, Neenik ambinom logonuk, kambikit, mba'nuk, kiniki koonit nugwi paga ndak-ndak eekkinake kaamunggup mbakop?

Yorage nagagirik, at oone waganggwi nogo yorage logonet, ”Nineenik logorak nduk, ninambi nano namun? Ndi, nineebe ninayum nano yikkolaamun? yinuk, kiniki koonggo logonet, kiniki piirik logogup o, yinuk, yokkiragi o.

Kineeruwak kunduk abok aret at Ala nen eenggi lingginik menggerak. Towe mbuulogwe ineebe apit lambuk togon at iniki kundugu lek negen kwe, kit perak, at iniki kundugu nggwok lombok mbake menggerak me, kinagabiti mbako logogup o.”

Yorage nagagirik, ”Naanggumi logwe wae! Ala nen kit at abu'me pinagarak inikilom mbareegerak me, kinagabiti mbarugup o.

Towe nggindooni eeko menggaarak nogo liippinip o. Awi yakkologwe, anggen mbanggologwe, ti eekulik o. Ndi, anggen mbanogo pi unggwogo menggam o kunduk lek mban kwe, at Ala nen inambi wogorage menggerak. Towe ti, at iniki kundugu mbuuluk negen kwe, kit perak, at iniki kundugu lombok wonogwe yi kogo ogotik?

Ninambi-ninagi nano namun? yinuk, kiniki koonit nugwi ti, mage o. Kiniki piirik logogup o.

Iri'ngga-kale'ngga endekem yogondak ki lagangge, ndi, ko'lu tek kani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki at Ala oba panggombunuk, liirogon abet mbaka'lek mendek yi, kit mondok nggwok lombok eeppinagage, eerigin lek mbakop?

Yi eekwi ndi eekwi nobarak wonage kenok, pilak ari, ndi, kiraarak wonage kenok, pagak ari, eerigin o.