Beliebte Verse in Matius 5

Teilen

Pai' uma ria tauna to mposuwe palita pai' napopoi' hante kura. Bate natu'u hi pontu'ua-na bona hini-na rahilo hawe'ea tauna to hi rala tomi. Wae wo'o baja to hi rala nono-ni neo' niwuni. Kana lompe' kehi-ni, bona hawe'ea tauna mpohilo, alaa-ra mpo'une' Tuama-ni to hi rala suruga.

”Koi' to mpotuku'-a, hewa baja to mpobajahi hawe'ea tauna. Ngata to rawangu hi lolo bulu' uma kalerua.

Marasi' tauna to moroli' nono-ra, apa' hira' mpai' to mpohilo Alata'ala.

Marasi' tauna to doko' lia jadi' monoa' hi poncilo Alata'ala, apa' Alata'ala moto mpai' to mpowai'-ra napa to rapali' toe.

Aga Aku' mpo'uli': kana tapoka'ahi' bali'-ta, pai' taposampayai-ra to mpobalinai'-ta.

”Marasi' tauna to mpo'inca kampe'ahii' tuwu'-ra hi poncilo Alata'ala, apa' hira' toe-mi mpai' to jadi' ntodea Alata'ala, pai' Alata'ala jadi' Magau'-ra.

Marasi' tauna to mpopohintuwu' doo, apa' hira'-mi mpai' to rahanga' ana' Alata'ala.

Marasi' tauna to susa' nono-ra, apa' Alata'ala moto mpai' mpotanta'u-ra.

Marasi' tauna to rabalinai' sabana mpobabehi-ra konoa Alata'ala, apa' hira' toe-mi mpai' to jadi' ntodea Alata'ala, pai' Alata'ala jadi' Magau'-ra.

Marasi' tauna to ma'ahi' hi doo-ra, apa' Alata'ala wo'o mpai' mpoka'ahi'-ra.

”Marasi'-koi ane raruge'-koi tauna, rabalinai' pai' rabalihi-koi hante wori' nyala lolita pebalihi sabana petuku'-ni hi Aku'. Nabi–nabi to owi, rabalinai' wo'o-ra-rawo hewa toe. Jadi', pakagoe'-mi nono-ni, apa' bohe mpai' rasi' to nirata hi rala suruga.

Marasi' tauna to dingki' nono-ra, apa' hira' mpai' to mporata napa to najanci Alata'ala.

”Koi' to mpotuku'-a ma'ala rarapai'-ki poi', to mpokeni kalompea' hi manusia'. Aga ane uma-di nituku' tudui'-kue, koi' hewa poi' to mononto, uma-pi bisa rapomopoi' nculii', pai' uma-pi ria kalaua-na, alaa-na ratadi-mi pai' rapolisaa.

Kita' kana lompe' po'ingku-ta hante uma ria ruke–ruke-na, hewa po'ingku-na Alata'ala Tuama-ta to hi rala suruga.

Ane patuju-ta mpo'uli' io', uli'-mi ’Io'.’ Ane patuju-ta mpo'uli' uma, uli' wo'o ’Uma.’ Uma-hana lompe' ane taperohoi lolita-ta hante mosumpa, apa' kehi to hewa toe mehupa' ngkai Magau' Anudaa'.

”Ni'inca moto parenta owi to mpo'uli': ’Ane ria to motuda' pai' to hadua mpojungki' mata doo ba mpowuka ngihi' doo, jungki' wo'o-ki-hawo mata-na, pai' wuka wo'o-ki-hawo ngihi'-na.’ Aga Aku' mpo'uli': neo' tapehawai doo to mpobabehi to dada'a hi kita'. Ane rapa'-na ria to mpohopo' kulimpi-ta hamali, tonu wo'o-ki to hamali.

Jadi', ane rapa'-na mata ka'ana-ta to mpakeni-ta mojeko', jungki' lau-imi pai' petadi. Agina lau-pi moronto mata-ta hamali, ngkai hawe'ea woto-ta ratadi hi rala naraka. Ane rapa'-na pale ka'ana-ta mpakeni-ta mojeko', pua' pai' petadi. Agina lau-pi moronto pale-ta hamali, ngkai hawe'ea woto-ta ratadi hi rala naraka.