Beliebte Verse in Matius 16

Teilen

Oti toe Yesus mpo'uli'-raka ana'guru-na: ”Hema to doko' mpotuku'-a kana mpobahaka konoa-na moto, pai' kana napaha'a kaju parika'-na–batua-na: kana natuku' hawa'-ku nau' napopate-ki. Oti toe-di pai' lako' ma'ala-i mpotuku'-a.

Jadi', toe pai' rahanga' Petrus-ko–batua-na ’watu.’ Pai' hi lolo parawatu tohe'i kuwangu tomi-ku–batua-na, kurumpu hawe'ea tauna to mpopangala'-a. Hawe'ea kuasa anudaa' uma mpokulei' mpodagi-ra.

Kuwai'-ko kuasa mpototu'ai ntodea Alata'ala. Napa to nubotuhi hi dunia', tetu wo'o to nabotuhi Alata'ala hi rala suruga: Ane nu'uli' neo', Alata'ala-mi to mpo'uli' neo'. Ane nu'uli' ma'ala moto, Alata'ala-mi to mpo'uli' ma'ala moto.”

Hema to mpentaei konoa-na moto, uma-i mpai' mporatai katuwua' to lompe'. Aga hema to mpobahaka konoa-na moto sabana petuku'-na hi Aku', nau' napopate-ki, hi'a mpai' to mporata katuwua' to lompe'.

Napa kalaua-na tarumpu hawe'ea ka'uaa' dunia', ane uma taratai katuwua' to lompe' hi eo mpeno-na. Apa' uma ria napa–napa to ma'ala tasula'-ki katuwua' to lompe' toe.

Napekune' tena-ra, na'uli': ”Hiaa' koi'-koiwo mpo'uli' hema-a Aku' toi-e?” Natompoi' Simon Petrus: ”Iko-mile Magau' Topetolo'-e, Ana' Alata'ala to Tuwu'.”

Na'uli' Yesus: ”Marasi' mpu'u-ko, Simon ana' Yunus, apa' bela manusia' to mpopo'incai-ko tetu-e, Tuama-ku to hi rala suruga-hana.