Beliebte Verse in Matius 10

Teilen

”Pelompehi, apa' kuhubui-koi hilou hi olo' tauna to dada'a. Koi' mpai' hewa bima hi olo' serigala. Kana mo'akala-koi hewa asi, aga mo'alusu' nono-ni hante uma ria patuju-ni to dada'a.

Hema to mpobahaka konoa-na moto pai' mpotuku'-a nau' rapatehi-i mpai', hi'a-mi to mporata katuwua' to lompe'. Aga hema to mpentaei konoa-na moto, uma-i mpai' mporata katuwua' to lompe'.

Neo'-koi mpoka'eka' manusia' to doko' mpopatehi-koi, apa' uma ria kuasa-ra mpohuku'-koi hi rala naraka. To nipoka'eka'-le, Alata'ala, apa' mokuasa-i mpatehi-koi, pai' mokuasa wo'o-i mpohuku'-koi hi rala naraka.

Tauna to jadi' topetuku'-ku ma'ala rarapai'-ki tauna to mpopaha'a kaju parika'-na pai' mpotuku' laa'-ku, apa' bate mporata kaparia-i mpai', ba paiana rapatehi mpu'u-i sabana petuku'-na hi Aku'. Jadi', hema to uma sadia mporata kaparia hewa toe, uma-i masipato' jadi' topetuku'-ku.

”Hema–hema to mpangaku' hi doo kahi'a-na topetuku'-ku, hi'a wo'o mpai' kupangaku' hi Tuama-ku to hi rala suruga, ku'uli': ’Tau toei topetuku'-ku.’ Aga hema to mpo'uli' hi doo kabela-nai topetuku'-ku, hi'a wo'o mpai' kusapu hi Tuama-ku to hi rala suruga, ku'uli': ’Tau toei, bela-i topetuku'-ku.’

Paka'uri' tauna to peda', potuwu' tauna to mate, paka'uri' tauna to mohaki' poko', popalai seta to mpohawi' manusia'. Hawe'ea rasi' to nawai'-kokoi Alata'ala, nawai' mara, uma ni'oli. Jadi', kana nipewai' mara wo'o-wadi-koiwo to ria hi koi'.

Jadi', neo'-koi me'eka'. Meliu-pi pompewili'-na Alata'ala hi koi' ngkai pompewili'-na rone to wori'.

”Neo' ba ni'uli' wae, katumai-ku toi mpopohintuwu' tauna. Uma-e'! Katumai-ku toi, tumai mpoposisala tauna.