Beliebte Verse in YOHANES 12

Teilen

Oloh je handak manempo Aku musti omba Aku; mangat rewar-Ku tau hinje Aku hong kueh Aku aton. Oloh je mandohop Aku akan ihormat awi Bapa-Ku.”

Oloh je sinta pambelome kareh nihau pambelome. Tapi oloh je basingi pambelome hong kalunen toh, kareh mahaga jete uka ie belom bujur tuntang katatahie.

Puna toto auh-Ku toh: Amon ije kabawak gandom dia iimbul akan huang petak tuntang matei, ie tetep ije kabawak. Tapi amon bawak gandom te matei, maka ie palus mahasil are gandom.

Aku dumah akan kalunen toh kilau kalawa, uka kakare oloh je percaya dengang-Ku dia melai huang kakaput.

Oloh je mahining auh ajar-Ku, tapi dia manumoe – dia ie Aku je mahukum ie. Basa Aku dumah dia tantai mahakim kalunen toh, tapi uka manyalamate.

Limbah te Maria dumah dengan kurang-labih satengah liter minyak harum narwastu je larang toto. Ie manata minyak te intu pain Yesus, palus mampuase hapan balaue. Hapus huma manjadi harum awi ewau minyak te.

Maka ewen manduan kare palapah korma palus haguet manambang Ie, sambil basasurak, “Tara akan Hatalla! Imberkat Ie je dumah hong aran Tuhan. Imberkat Ie Raja Israel!”

Yesus hamauh dengan ewen, “Jari sampai katikae Anak Olon impahai.