Beliebte Verse in LUKAS 6

Teilen

Menii, tijake ikeepa maija kinija. Epeebijado tijake, mijo tagi tita, daana enaida wo bego joko bego tijake, tuumidaa ma, me ka ikiija mutaida kijatuumaitai. Ikii jaebijadojake menii kodo danite, kijaebijadojake amo kiniitai kouja.”

Enaa me okaija kegepa duba ka enaa awiida make enaa agijo podomijawe-tai, daana peu me okaija peu awiida make peu agijo podomijawe-tai. Kegepa duba bokouto kodo ebeiga godajake kojoka.

Kodeja ikii ma jape bagee ipa egai, daana enaa agijo jakei tai. Daana joko motiine dimi te gajake menii. Ikiija ka petege ibo kaita kojoka, daana ikii Monika Me ka jokaane kaita. Nagajaweege wegai beu bagee ma, peu bagee ma maida okai bunu enaa kouja.

Ikii ke ipa gai, Ikiitai na ipa ga-tai danite.

Ikii me ijeije te etai, daana ikii na ijeije ti kitai. Peu taawii, tijake ikii na peu te keewii Ipa ejaikai, tijake ikii na ipa kijaikija.

Kodeja ikii juweete bageepa ani kitii: Ikii ma jape bagee ipa egai. Be kigai bageepa enaa agijo jakei tai. Peu keewii bagee kojáá mana amo etii. Daana kiwidogai bagee sembahjang jatai.

Me ka kijakei tai ikii ide gai danite, ikii na jakei tai.

Amaimu tabee kitai bagee enakaato maija emuwakai. Daana ikiija egaupe-tai kagaba kijamotii bagee ikiija badju kagaba maija kijamote-tita ejaikai. Kidiimai bagee utoma menii to, daana ikiija ka edepede kijamotii bageepa make joko te ediimai.

Enaa uti ena ma peu uta te goja kouja. Daana peu uti ena ma enaa uta te goja.

Pija gakita akiuta uta gojake gaja. Ijó pija maida ara uta te duwaja kouja, daana edu maida po te duwaja.