Beliebte Verse in JOHANNES 6

Teilen

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.

Tondi i do na mangalehen hangoluan, anggo sibuk nada adong guna ni i. Angka hata na Hudokkon, i do tondi dohot hangoluan.

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

Dialusi si Petrus ma, “O Tuhan, giot tu ise dope hami kehe? Hum hataMi sajo do na mangalehen hangoluan na so mantak.

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

Nada tarbaen sanga ise pe ro tu Au, anggo so disosoi Damang na marsuru Au halakna i tu Au; jana pangoluonKu ma halahi di Ari Parpudi.

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

Au do roti hangoluan.

Dung i dibuat Jesus ma roti i, didok Ia ma tarimakasi tu Debata. Lalu diparbagi-bagihon Ia ma roti i tu halak na bahat i. Laing songon i ma dibaen Ia tu ihan i. Mangan ma sudena halahi sabutong-butongna. Dung butong na mangan i, didok Jesus ma tu angka siseanNia i, “Palagut hamu ma teba-teba ni panganon i ulang adong na sayang.”

Madung hira-hira opat tu lima kilometer daona halahi marparau tu tonga-tonga ni dano i; jadi ompot ma diida halahi ro Jesus mardalan di ginjang aek i mandapotkon parau ni halahi i. Mabiar situtu ma halahi. Tapi didok Jesus ma tu halahi, “Ulang hamu mabiar, Au do i!”