Beliebte Verse in Luk. 23

Teilen

Kirworik Yesu tema, “Papa kisyoni ikes, anerae nyeyenete ŋuna itiyaete.” Tokora ikes ŋikeelowi ka akilamilam ŋisigirya.

Tolimok Yesu iŋes tema, “Akalimokini ayoŋ iyoŋ kire atemar, napeikoloŋit na ikiruki iyoŋ ka ayoŋ anajakaanut a ŋina ka Akuj!”

Ido tema iŋes, “Yesu, totamunitetei ayoŋ, ŋina iboŋunio iyoŋ irae Erwosit.”

Kiworou Yesu tema, “Papa! Ewuak ayoŋ ekaatau nakan kon!” Kedau alimun ŋun, kiridak.

Ani edolete ikes neni anyaritae “Akuulu,” kibubukis Yesu lomusalaba ka ŋikeworok ŋuluarei, epei lowae ŋolo aloteten, epei kedyany.

Ani edoli ŋisaae ŋikanikapei ŋulu ka apaaran, kiryoniar akwap daadaŋ cuc akitodol ŋisaae ŋikanikaomwon esoŋakini akoloŋ. Tocila anaŋga ŋina eneno alo Kai ka Akuj beret ageun alokidiama tari kwap.

Ani eanyuwari ekapolon ŋolo a ŋasigarya ŋakiro ŋuna apotu kitiyakin, kipur Akuj tema, “Kire, kemam ekile lo aronis.”