Beliebte Verse in Génesis 11

Teilen

Tsayta rikaykurmi DIOS YAYA yarpachakur nirqan: <<Paykunaqa tsay idiömallata parlarmi shumaq willanakur tsaynö ruraykäyan. Tsay markata y törrita shäritsiyta ushaskirqa imaykatapis mastach rurayanqa. Tsaynö kaykaptinqa paykunaman aywar pantatsishun juk idiömallata manana parlayänanpaq. Tsaynöpam tukuyläya idiömatana parlar manana tantiyanakuyanqanatsu imata parlayanqantapis>>.

Tsaypitam yapay willanakur niyarqan: <<Tsay ladrillukunawan jatun markata rurashun. Tsaynölla ciëluman tinkut törrita shäritsishun. Tsaymi pïmaypis respitamäshun. Tsaynöpam maytsaypa witsikanqantsikpa rantin kayllachöna llapantsikpis paqta täkushun>>.

Tsay markachömi DIOS YAYA pïmay runakunata pantatsir idiömanta jukläyaman tikratsirqan. Tsaynö pantatsinqanpitam tsay markapa shutin Babel karqan. Mana tantiyanakurnam maytsaypa witsikar aywakuyarqan.

Tsay witsaymi llapan runakuna juk idiömallata parlayarqan.

Tsaynam DIOS YAYA ciëlupita urämurqan markata y törrita shäriykätsiyanqanta rikänanpaq.

Tsaynö nirmi DIOS YAYA llapan runakunata maytsayman witsikätsirqan. Tsaynöpam shäriykätsiyanqan markata ushayarqannatsu.