Beliebte Verse in Mɑtʉ̈ɔ 18

Teilen

ZʉꞋ yí pʉɔ pɛ́pɑ́ kɛ pʉɔ pɛtɑ́t zúꞋu, ńcúꞋlɛ zúꞋu nǔu lík yɑ́ɑ, mbɔ ŋ ɡʉ ḿbɔ́ tsɛtsɛt pɔ́p.»

KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.

Yɛ́su fúŋ mɔ́yúu mɔ́ɔ, ńtík wɛ́ mbi pɔ́p, ńcú ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kúpmɛ mɑt wʉʉ, tɛ ńtsʉ́Ꞌ ḿbɔ́ pɔ pɑ́Ꞌ mbɔ́ŋkʉ̈ɔ́ pɔ́, mbɔ pʉʉ kɛ́ lɑ́Ꞌ ŋ́kúu tsɛt nu-nɛfɔɔ-Sɛ́ pɔ́.

Ŋu ẅí ɑ kɔknɛ mbʉʉ yɛ́ ŋ́ɡɑ́ sɛ́ tɛ ńtsʉ́Ꞌ pɑ́Ꞌ ɡɛɡʉʉ yɔ lɑ́, ɑ ŋu ẅí ɑ wɛ ɡwɛ́ tsɛt nɛfɔɔ-Sɛ́.

Ŋu lɑɑ ńdɔk lík yɑ́ɑ ŋ́kúkŋɛ mɔ́yúu mɔ́ɔ pɑ́Ꞌ wɔ lɑɑ, mbɔ ŋɡɑŋ kúkŋɛ pɔ wɑ́ɑ.»

Ŋ ɡʉ ɛ́sẅíi wʉ́ʉ, kwɑꞋ nɛ́nẅín, ŋɡɔ: «Pʉʉ lɑɑ ńjʉ́ɔ nu tɛ ńdʉꞋ yîyɑ́ nu ndǔ tsɛ́tsɑ́Ꞌ, mbɔ pɛ́ ɡʉ ḿbɛn ńdʉꞋnɛ tʉ́nɛ́pú. Pʉʉ kɛ ńjʉ́ɔ nu tɛ ḿbɛ́m ndǔ tsɛ́tsɑ́Ꞌ, mbɔ pɛ́ ɡʉ ḿbɛn ḿbɛ́m yîyɑ́ nu tʉ́nɛ́pú.»

Yɛ́su lẅiklɛ ńcú ŋɡɔ: «Ɛ́ ndʉ́ŋndʉŋ pɑ́Ꞌ Tɑ̌ɑ mɔ ẅí ɑ tʉ́nɛ́pú, ɑ ɡʉ ŋ́ɡɛ nǔu mbɑ wɔ̌ lɑ́ tsɛtsɛt pʉʉ, pɑ́Ꞌ ɑ lɑɑ mbɔɔ likŋɛ mɛfɑɑnɛ mɔ́ɔmɑ́ wɛ nɛ́ ŋɡɔŋ tʉ́m yɛ́ tsʉʉ pɔ́.»

Lɑ́ ŋu ẅí ɑ ŋ́kɛ́ ńtsʉ́ʉnɛ wɛcɔ́ tɑ́Ꞌ nǔu pɛɡɛɡʉʉ pɔnɛ pi pɔ́p zɑ́pnɛ tʉ́m nǔu mɔ, ńtsʉ́ʉnɛ wɔ́p nɛpɔ́ yi pɔ́p ɡʉ ɛ́fɑɑnɛ nu, mbɔ mbi pɑ́Ꞌ mbɔ pɛ́ cʉŋɛ mɑ́mɑ́ ŋɡɔꞋ lɔ́ŋ-ŋɡɑŋ, ńtsʉ́ʉ wɛ́, ḿmɑꞋ tsɛt mí zʉꞋ-nzɛnzʉ́ʉ.

Pʉʉ tsʉ́Ꞌ m bíkŋɛ wʉ́ʉ nɛ́ yɔ nu: «Ŋu lɑɑ ḿbɔ́ pɛ́Ꞌnɛ ŋ́ɡẅɛɛ mɛnjinjɔ mɛ́ ŋkʉ, tɑ́Ꞌ pɛ́, mbɔ ɑ ɡʉ ŋ́ɡɛ pɑ́Ꞌɑ? Mbɔ ɑ kɛ́ nɑ́ mɛcɔ́ ntsɔ̌pɛ́nɛ́pfuꞋú nɛ́ mɛɡɛ́mɛ́nɛ́pfúꞋú ndǔ nɛŋkɔ́Ꞌ, ŋ́ɡʉ ńdɔɔ ẅi ɑ pɛ́nɛ pɔ́ ɔɔ?»