Beliebte Verse in Lúkɑ́shi 23

Teilen

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

Yɛ́su tsɔ́Ꞌ ŋɡɔ: «Ɛ sẅíi wú, ɛ́ kwɑꞋ nɛ́nẅín, ŋɡɔ kwɑꞋ lɔ́Ꞌnɛ puu ɡʉnɛ ḿbɔ́ tsɛt zʉꞋ mbɔ́tnɛ-Sɛ́.»

A kɑkŋɛ wɛ́ pɔ́Ꞌɔ, ḿbɛn ḿbúꞋ mbɔ́ mbɔ̌ Yɛ́su ŋɡɔ: «Yɛ́su, ɔ lɑɑ ńdɑ́Ꞌ ńtɔ́ nǔu nɛfɔɔ nú, ɔ pɑ́ɑ nɛlikŋɛ wɑ́ɑ.»

Yɛ́su nɑ́ŋ nǔu tʉ́ mbɑ́ŋtɛ pɑ́ŋtɛ́nɛ, tɛ ŋ́kíi nɛ́ ŋɡi tɛnnɛ, ńcú ŋɡɔ: «Tɑ̌ɑ mɔ, ŋ ɡɑ́ zẅikŋɛ yɑ́ɑ nǔu mbɔ́ mú. Ńcú pɔ́Ꞌɔ, ŋ́ɡɔ́ɔ ŋ́kɛ́ ńcʉ́ɔ.»

Ŋ́ɡʉ tɛ ŋ́kúu nǔu yɛcɔ́ zʉꞋ yi pɛ́ kɑ pɔ́ ɛ́fúŋ ŋɡɔ kɑ́ɑtú, ŋ́kẅii Yɛ́su nǔu tʉ́ mbɑ́ŋtɛ pɑ́ŋtɛ́nɛ, ḿbɛn ŋ́kẅii mbɑ pɛtsɔ́ŋ pɑ́ pɛ́pɑ́, nǔu mɔ́p mɛtʉ́ Mbɑŋtɛ pɑ́ŋtɛ́nɛ. Tɑ́Ꞌ pɔ́ nǔu ɡúŋ-pɔ́-Yɛ́su yi tʉʉ, wɛcɔ́ pɔ́ nǔu ɡúŋ-pɔ́ ŋkẅɛpmɛ.

Mbɔ́t nɛm ɡɛ ŋ́kuꞋ, mɔ́nɛm pɛ́, túꞋ puu sʉ́ʉ tsɛt ŋɡɔŋ tsʉʉ tɛ ŋ́kúu nǔu nɛm yɛ́tɑ́t mbɔ́t njí. Ndẅí yi pɛ́ kɑ lɔknɛ ɛ́sɑ́ɑ ndɑ́-nɛnɔŋpɔꞋ, sɑnɛ tsɛtsɛt, ɛ́fú tʉ́ ŋ́kúu sɛ́.

Tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ zúꞋu kɑ jʉ́ɔ mbɑ kʉ̈ɔ́ lɑ́ yi ɛ́ lɛɛnɛ, tɛ yi mbʉ̈ɔt pɔ́ nɛcú ŋɡɔ: «Ŋu wɔ ŋ́kɑɑ fɑɑnɛ.» Sẅiŋɛ yɛ́ ɛ̂yɑ́ ɡɑ́ mɛkuꞋ mbɔ̌ Sɛ́.