Beliebte Verse in Yoano 15

Teilen

“Che chibuta cha vinyu yami, yenu nuli mitango. Yoze manyongonona kulinunga ni yami, ni yami ni iye, mwenawo mema mihuko yinji, mumu kunwahashile kulinga nichimwe shina ni yami.

Nyongononenu kulinunga ni yami, ngwe chize nakunyongonona kulinunga ni yenu. Mutango kuwahashile kwima mihuko ukawawo, shina muulinunga ni chibuta cha vinyu. Chimuwika nawa, yenu kunwahashile kwima mihuko nyi kunushi kunyongonona kulinunga ni yami.

Nyi mununyongonona kulinunga ni yami, ni maliji jami mabwa muli yenu, munwita cheswe Chuma nunazange, munukachitambula.

Yenu kunwangutongwele, alioze yami nanutongwele. Nanusele hanga nukeme mihuko yize muyikalinduluka. Chenacho Tata makanwaha cheswacho munuketa mu jina liami.

Zango liahiana lili lino: mutu akunjike mwono wenyi hali masepa jenyi.

Kakubatula mutango weswe muli yami uze kuushi kwima mihuko. Kakuselela mutango weswe uze wakwima mihuko. Kakuubemesa hanga ukeme mihuko yahiana.

Yino ye Shimbi yami, ngwami, lizangenu ni akwenu ngwe chize yami nakunuzanga.

Uhenya wa Tata muusoloka nyi munwima mihuko yinji. Chenacho munukabwa tumbaji twami.

“Yami che chibuta chamwenemwene cha vinyu, Tata mwe njimi wa vinyu.

Yoze keshi kunyongonona kulinunga ni yami maakamumbila haze ngwe mutango, mba muuma. Mitango yize hiyinomu, kakuyitongona ni kuyimbila mu kahia, mba muyiwema.

“Yuma yino hinamba, hanga nubwe ni uwahililo wami, ni hanga nuwahilile kuhiana.

Nyi munufunga Shimbi jami, mununyongonona mu zango liami, ngwe chize nakufunga Shimbi ja Tata ni nakunyongonona mu zango lienyi.

Chino ngunanwambe ngwami, lizangenu ni akwenu.”

Nyi nwabwa akwa hashi, kachi akwa hashi maakanuzanga mumu nuli nioo. Alioze hingunanutongola, hingunanuchiza hakachi ko, hi nuli akwa hashi ko. Kashika akunuvutwokela.