Beliebte Verse in Luu 8

Teilen

Jih gbǎ-a dǒ gbablu̍h i̍-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ wlùh ɛ̀ nmɔ-a jii̍ chɛ̀ɛ̌chɛ̀-ɛ we̍-ɛ. Wɛ̀ u̍h se̍ se̍a̍, iě u̍h tlo.

Jih gbǎ-a dě klàɛ̀n di̍i̍-ɛ, i̍h wɔ̀ nyɔ̍ ùh wɔ̌n-a Nyɔsoa-a wlu̍-ɛ. Jɛ ti̍ gbɔ̍ sì-aɛ, wɛ̀ kmɔ̌-a sèò ke pàn-dɛ̍ᵻ i̍ jbɛɛ-ɛ ke gbale̍e̍ gbǎ-a mɔɛ u̍h dlǔ i̍. Ɛ̍ kɔn u̍h-a buǒᵻ fǒ.

Jih gbǎ-a dǒ sɔɔ̌ paɔ kɛ̍n-ɛ, i̍h bo ìh wɔ̀ nyɔ̍ ùh wɔ̌n-a Nyɔsoa-a wlu̍ iě u̍h gbɛ̍n-a ɛ̍ i̍ dǒ mɔna̍ we̍-ɛ. Jɛ ɛ̍ se̍ sɛ̌n po̍ dě u̍h ku̍sɔ̀n. Ɛ̍ kɔn u̍h blě wlùh gbaɛ dǒ ti̍ gbɔ̀ di̍i̍. Jɛ nyɔ̍ i̍ tɛ̀n-ɛ ji̍-aɛ, iě u̍h ple̍.

Wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀ se̍ wlùh gbaɛ blě ɛ?” Sɔ ɛ̍ po̍ u̍h faɔn iě ɛ̍ wlǔh i̍ u̍h de̍e̍, wɛ̀ u̍h-a tèle-e we̍ i̍. U̍h la̍a̍, “Dɛ̍-ɛ jɔ̍gbau we̍ la ɛ? Ɔ̍ po̍ poɔ ke dǒ bei bɔ̌ i̍, wɛ̀ i̍h-a jě ɔ̍ dɛ̍ɛ̍ wa.”

Dɛ̍ᵻ jɔ̌ ìh gbǎ-a dǒ wìè gblùh i̍-ɛ, nyɔ̍ ùh wɔ̌n-a Nyɔsoa-a wlu̍ iě Kǔ ji̍-a ɛ̍ sà-a ɛ̍ dǒ u̍h wlùh kɛ̍n-ɛ, u̍h bo i̍h wɔ̀. Wɛ̀ u̍h-u je̍e wlùh gbaɛ blě, nɛ̀ u̍h-a mu̍ la̍ pǔh.

“Dɛ̍-o-dɛ̍ ɛ̀ sìle-aɛ, ɛ̍ mu̍ tà wlǔh. Nɛ̀ dɛ̍ ɛ̀ nɛ-a dě kwile-ɛ, ɛ̍ mu̍ dǒ gbaɛ̍we̍ ji̍.

Nynɔ̌ gbɛ̀n-a ɛ̍ ja̍ ka ɛ̍ se̍-a sìle-ɛ, iě ɔ̍ ku̍ blě tlɛ̍-ɛ ɔ̍ ji̍, wɛ̀ ɔ̍ chlìi i̍ dǒ Jusu jǔ. Wɛ̀ ɔ̍ sèàɛ̍ ɛ̍ we̍ i̍ dǒ nyɔ̍ kli̍hgbɛ̍ jlǐhwai dɛ̍ kɔn tìh ɔ̍ tǔh-a Jusu i̍ wɛ̀ ɔ̍ pǔh-a dǒ tàdùè laa̍-ɛ. Wɛ̀ Jusu la̍a̍ dě ɔ̍ we̍, “Nynɔ̌ chɛ̀, àn wlùh gbaɛ bo ɛ̀ nu̍ ɛ̍ wɛ̀ ìn pǔh. Mu̍ pɛlɛpɛ.”

Wɛ̀ ɔ̍ kòà mu̍ dě ɔ̍ we̍. Iě u̍h bla̍ ɔ̍ kɛ̍n i̍, u̍h la̍a̍, “Dlǔtu, à ji̍ mɛ̌ la̍-a wa.” Wɛ̀ Jusu sɔ bloɔ̍, iě ɔ̍ po̍ poɔ ke pɛ̍nu̍-a je̍ɔ̍ dǒ bɔ̌ i̍. Iě poɔ ke dǒ nɛ tùàa̍n.