Beliebte Verse in Luu 21

Teilen

Mɔ̀ nu̍ nɛnɛ̌ ti̍ kli̍hgbɛ̍ we̍. Mɔ̀ ba̍le wɛ̀ mɔ̀ iě gbǐh blě, nɛ̀ mɔ̀-a mu̍ ìh kli̍hgbɛ̍ la ìh-a mu̍-a nɛ-ɛ wɔ̍i̍n wa̍n. Wɛ̀ mɔ̀ iě dǒ Nyi̍ɔ̍-a Jǔ jǔ i̍ nyna-a bɛ̌ɛ.”

“Mɔ̀ nu̍ mɔ̀-a chɛ̀-a nɛnɛ̌, wɛ̀ peě kɛ̍n i̍ mu̍-ɛ dɔu ke, mɔ̀-a chɛ̀ nmɔ̍ wlì sìèè-ɛ ke, kmɔ̌-a sèò la mɔ̀-ɔ je̍e i̍h we̍ maɛ wɛ̀ weɛ̍ Nyi̍ɔ̍-a Jǔ-a mu̍-a ja-ɛ, ɛ̍-ɛ je̍e mɔ̀ kɛ̍n kèè, wɛ̀ ɛ̍-ɛ je̍e mɔ̀ gbɛ̍n.

Mɔ̀-a dě klì i̍ ku̍-ɛ bo ɛ̀ mu̍ mɔ̀-a chɛ̀ sèìe.

Dɛ̍nu̍ɛ, ǎn mu̍ mɔ̀ wlu̍ wɔ̍ɔ̍n po̍, wɛ̀ iě mɔ̀ flɔ̍nwlùh nyǐ. Nɛ̀ mɔ̀-a nyɛ̌-nyɔ̍ se̍ ɛ̍ i̍ nyna-a bɛ̌ɛ mu̍ u̍h iě ɛ̍ dǒ wìè-i sà.

Blǔh ke ja̍u̍n-a tìh-a mu̍ i̍ sì, jɛ ǎn wlu̍ nɔ̀ɔ̍, ɛ̍ se̍ i̍ sì mu̍.

“Nɛ̀ jlǔh ke chǔh ke chǔhtlɛ̀n-a mu̍ jbaɛdih po̍, wɛ̀ tìh jě-ɛ iě bloa̍ kli̍hgbɛ̍ kɛ̍n i̍ nɛ nɔ̌ kmɔ̌ la̍ we̍. Nɛ̀ nyɔ̍ kli̍hgbɛ̍-a mu̍ jbǒ-a klu̍-ɛ ke ɛ̍ dǒ po̍ wlu̍ jǔ ple̍. Nyɔ̍gbei-a mu̍ wlùh i̍ gboǎɛ dǒ faɔn ple̍-ɛ ke dɛ̍ ɛ̀ mu̍-a bloa̍ jii̍ nɛ-ɛ dǒ ɛ̍ kɛ̍ɛ̍n fuo-ɛ we̍. Dɛ̍nu̍ɛ, gbǐh nɛ-a dě ja̍u̍n wlì-ɛ, i̍h-a mu̍ tèla̍ wlǔh. Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgban kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Nyɔ̍ kli̍hgbɛ̍-a mu̍ mɔ̀ faɛn ǎn tìh.

Wlù poɔ ɛ̀ ku̍-a wɔ̍n-ɛ ke, mɔ̌ ke wɛ̌ᵻá mu̍ tà kli̍hgbɛ̍ gbǎ, wɛ̀ slènai dɛ̍ᵻ ke wɔ̍n ku̍ jbaɛdih iě dě ja̍u̍n wlì sɔ.

Mɔ̀-a mu̍ tu̍h-a fɔ̀n-ɛ ke klě jě-ɛa pɔ̀n wɔ̌n, jɛ faɔn bɔ̌ mɔ̀ nu̍-ɛ. Dɛ̍nu̍ɛ, ìh la i̍h kɔn i̍h iě nɛ sàǐtòò. Jɛ nɛ̀ ti̍-a dlǔ i̍ chlà-a se̍ i̍ kɔǎɛn ke̍.” Wɛ̀ ɔ̍ la̍a̍ dě u̍h we̍, “Bloa̍ ke bloa̍-a mu̍ fɔ̀n, wɛ̀ kɔ̀mla̍ ke kɔ̀mla̍ iě fɔ̀n.

“Nɛ̀ jlǔh ke chǔh ke chǔhtlɛ̀n-a mu̍ jbaɛdih po̍, wɛ̀ tìh jě-ɛ iě bloa̍ kli̍hgbɛ̍ kɛ̍n i̍ nɛ nɔ̌ kmɔ̌ la̍ we̍. Nɛ̀ nyɔ̍ kli̍hgbɛ̍-a mu̍ jbǒ-a klu̍-ɛ ke ɛ̍ dǒ po̍ wlu̍ jǔ ple̍. Nyɔ̍gbei-a mu̍ wlùh i̍ gboǎɛ dǒ faɔn ple̍-ɛ ke dɛ̍ ɛ̀ mu̍-a bloa̍ jii̍ nɛ-ɛ dǒ ɛ̍ kɛ̍ɛ̍n fuo-ɛ we̍. Dɛ̍nu̍ɛ, gbǐh nɛ-a dě ja̍u̍n wlì-ɛ, i̍h-a mu̍ tèla̍ wlǔh.

Wɛ̀ ɔ̍ la̍a̍ dě u̍h we̍, “Bloa̍ ke bloa̍-a mu̍ fɔ̀n, wɛ̀ kɔ̀mla̍ ke kɔ̀mla̍ iě fɔ̀n.

Iě Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe. Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Chèɛ̀ Tba̍ju. Bɔ̌ɛ-o ti̍ kɔǎn we̍ wɛ̀.’ Jɛ mɔ̀ bɔ̌ dǒ u̍h de̍e̍ gbǎ-a.