Beliebte Verse in Gẹnẹsisi 22

Teilen

Ablaham sọ ylọ oyín ofi lọ tọn dọ Jihova-jile : dole yè to didọ kaka jẹ egbé, To osé OKLUNỌ tọn mẹ wẹ yè na mọ ẹn te.

E sọ dọmọ, Yí visunnu towe lò, yèdọ Isaki, visunnu towe dopo akàn lọ he hiẹ yíwánna, bo yì aigba Molia tọn ji; bo yí i do sànvó núnina mimé tọn de to finẹ to dopo osé lẹ tọn ji fietọn yẹn na dọ na we.

E sọ dọmọ, A zé alọ towe do ovi lọ ji blo, mọ a sọ wà núde do e blo: na dinvie wẹ yẹn yónẹn dọ hiẹ dibúsi Jiwheyẹwhe, na hiẹ ma whlẹn visunnu towe, visunnu towe dopo akàn lọ do mi wutu.

Ablaham sọ dọmọ, Visunnu ṣie, Jiwheyẹwhe na wleawuna lẹngbọvú lọ na ede lọsu na avọ́ núnina mimé de: mọwẹ yé omẹ awe lẹ sọ zọ̀npọ to yìyì.

dọ didona mẹ yẹn na dona we, podọ yẹn na hen okún towe jideji susugégé di sunwhlẹvu olọn tọn lẹ, podọ di tọ̀kẹn he tin to ohùtó; okún towe lẹ wẹ nasọ yi hòngbo kẹ̀ntọ yetọn lẹ tọn glodeji: to okún towe mẹ wẹ yè na dona akọta aigba ji tọn lẹpo : na hiẹ yí ogbè ṣie sè wutu.

E sọ wá jọ to onú helẹ godo, wẹ Jiwheyẹwhe tẹ́n Ablaham pọ́n, bo dọ hlan ẹn, dọmọ, Ablaham; ewọ sọ dọmọ, Yẹn tin to ofi.

Angẹli OKLUNỌ tọn sọn olọn ylọ ẹ, bo dọmọ, Ablaham, Ablaham: é sọ dọmọ, Yẹn tin to ofi.

Angẹli OKLUNỌ tọn sọn olọn sọ ylọ Ablaham whlawetọ, bo dọmọ, Dẽ titi wẹ yẹn do whlé, wẹ OKLUNỌ dọ, na hiẹ ko basi onú he wutu, bọ hiẹ ma whlẹn visunnu towe, visunnu towe dopo akàn lọ

Yé sọ wá ofi fietọn Jiwheyẹwhe ko dọ nẹ̃; Ablaham sọ tùn agbà de to finẹ, bo tò nake dagbedagbe, bo bla Isaki visunnu etọn, bo zé e mlọn agbà lọ ji, do nake lọ ji.