Beliebte Verse in Juan 5

Teilen

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

Jinapi Jesús chay onqosqata rikorqa, unayña ajina kasqanta yachaspataj, taporqa: Qhaliyapuyta munawajchu? nispa.

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan. Chaywanpis qankuna mana noqaman jamuyta munankichejchu wiñay kawsayta tarinaykichejpaj, nispa.

Jesustaj payta nerqa: Sayariy, phulluykita oqharispataj, wasiykiman ripuy, nispa. Jesús chayta nejtinkama, chay runa ujllata qhaliyaporqa, phullunta oqharispataj, puriyta qallarerqa. Chay p'unchayrí samarina p'unchay karqa.

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.