Beliebte Verse in Sơnròp Gơlik Gơs 13

Teilen

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Tơnơ̆ mơ tŭ Lot neh cah is mơ Abram rau, Yàng Jehôwa đơs mơ Abram lah: “Pò mat tĕ tơnggòr, sền bơh dê tiah mê ơm tus hơ đah đang, đah đơm, đah mattơngai lik mơ đah mattơngai mut.

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Abram đơs mơ Lot lah: “Dan bañ gơs bơta pơndang tòmpìt digùl añ mơ mê mơ digùl cau ê añ mơ cau ê mê, bơh bol he la poac mhàm bal

Lồc behơ̆, Abram cèng sàl khai dê tus ơm di tiah ală tòm cha Mamre dê, tòm Hebrôn, mơ tềng hơ̆ khai lơh dô nơm cơnòng duh khoai Yàng Jehôwa in.

Gen Lot tơnggòr, sền gŏ làm jơh ƀlàng hiòng Jordan, la tiah gơs dà hòr làm tus hơ Soar, lài mơ tŭ Yàng Jehôwa òhềt tơnroh Sôdôm mơ Gômôrơ, ƀlàng hơ̆ kung be suơn Yàng Jehôwa dê mơ be lơgar Ejiptơ.