Beliebte Verse in Маттай 6

Teilen

Бек алгъа уа Аллахны Патчахлыгъын эм Аны тюзлюгюн излегиз, бу затла уа бары да сизге къошулуп берилирле.

Алай бла тамблагъы кюн ючюн къайгъы этмегиз, нек десегиз тамблагъы кюн кесини къайгъысын кеси этерикди. Хар кюннге кесини къайгъысы тамамды».

«Ол себепден сизге айтама: жаныгъыз ючюн „Не ашарбыз эм не ичербиз?“ деп, не чархыгъыз ючюн да „Не киербиз?“ деп къайгъы этмегиз; жан ашдан, чарх да кийимден уллу магъаналы тюйюлмюдю?

Сен а, тилек этген заманынгда, отоуунга кир да, эшигинги этип, Ол ташада болгъан Атангдан тилек эт; ташаны кёрюучю Атанг да санга ачыкъ саугъа берир.

Тилек а былай этигиз: „Эй, Кёкледеги Атабыз! Сени атынг сыйлы тутулсун. Сени Патчахлыгъынг келсин. Кёкде кибик, жерде да Сени буйругъунг болсун.

Бизни кюнлюк ётмегибизни бизге бюгюннге бер.

Эм бизни борчларыбызны кеч, биз да борчлуларыбызгъа кечгенибиз кибик.

Эмда бизни терилиуге тюшюрме, алай а бизни хыйлачыдан къутхар; нек десенг Патчахлыкъ да, кюч да, махтау да ёмюрлеге да Сениди. Амин“.

Сиз адамланы терсликлерин кечсегиз, сизни Кёкдеги Атагъыз сизни да кечерикди

Кёкдеги къанатлылагъа къарагъыз: ала урлукъ сепмейдиле, не оракъ ормайдыла, не кюфлеге жыймайдыла; сизни Кёкдеги Атагъыз алагъа да ашатып турады. Сиз а аладан кёп багъалы тюйюлмюсюз?

«Жер башында кесигизге хазнала жыймагъыз; мында кюе бла тотлукъ къурутады эмда гудучула кирип урлайдыла. Алай а кесигизге хазналаны кёкде жыйыгъыз. Анда не кюе, не тотлукъ къурутмайды, анда гудучула тюбюнден къазмайдыла эм урламайдыла. Сизни хазнагъыз къайда болса, жюрегигиз да анда болур.

Бир киши да эки бийге къуллукъ эталлыкъ тюйюлдю: нек десегиз неда бирин кёрюп боллукъ тюйюлдю, экинчисин а сюерикди; неда бирине кёл саллыкъды, экинчисине уа эс бурлукъ тюйюлдю. Аллахха да, байлыкъгъа да къуллукъ этерге болаллыкъ тюйюлсюз».

Бюгюн бар болгъан, тамбла уа отха атыллыкъ, аулакъда ёсген хансны Аллах алай кийиндире эсе, сизни уа бегирек кийиндирмезми, эй, ийнаныулары азла?

Сени уа, садакъа этген заманынгда, онг къолунгу не этгенин сол къолунг билмесин, Алай бла сени садакъанг ташада болсун; ташаны кёрюучю Атанг да санга ачыкъ саугъа берир».

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла. Сен а ораза тутхан заманынгда башынга жау сюрт эм бетинги жуу, Ораза тутханынг адамланы аллында болмай, алай а ташадагъы Атангы аллында болсун; ташаны кёрюучю Атанг да санга ачыкъ саугъа берир».