Beliebte Verse in Genesis 28

Teilen

Añon quic'otet. Mi caj cʌntañet baqui jach ma' majlel. Mi caj c cha' pʌyet tilel ti ili lum. Ma'anic mi caj j cʌyet jinto mic mel jini tsa bʌ c subeyet, che'en.

Ya' wa'al lac Yum ti' chañelal. Tsi' yʌlʌ: Joñon Yumʌlon, i Dioson Abraham a tat, i Dioson Isaac. Mi caj cʌq'ueñet yic'ot a p'olbal jini lum ba' ñololet.

Jacob tsa' ch'ojyi ti wʌyel. Tsi' cha'le bʌq'uen. Tsi' yʌlʌ: Isujm, wʌ'an lac Yum ilayi. Ma'anic tsac ña'ta. Wʌ'an bʌbʌq'uen bʌ ilayi. Jiñʌch i yotot Dios. Jiñʌch i ti' panchan, che'en.

Jacob tsi' yʌc'ʌ i t'an ti' tojlel Dios. Tsi' yʌlʌ: Mi isujm añet quic'ot, mi mux a cʌntañon ti jini bij cha'an utsat mic majlel, mi mux a wʌq'ueñon waj cha'an mij c'ux yic'ot pisil cha'an mic lʌp, cha'an mic sujtel ti' yotot c tat ti' ñʌch'tilel c pusic'al, che' jini c Dioset, c Yumet. Ili xajlel tsa' bʌ c ts'ʌpʌ i wentajʌch a wotot. Ti pejtelel chuqui ma' wʌq'ueñon isujm mi caj cʌq'ueñet i diezmojlel. Che' tsi' yʌc'ʌ i t'an Jacob.

Lajal ti tsicol mi caj i yajñel a p'olbal che' bajche' ts'ubejn. Mi caj i pam pujquelob ba' mi' bʌjlel q'uin yic'ot ba' mi' pasel q'uin, yic'ot ti norte yic'ot ti sur. Cha'añet yic'ot cha'an a p'olbal mi caj i yʌq'uentelob i yutslel c t'an winicob x'ixicob ti jujunmojt.

Tsi' yotsʌbe i c'aba jini ajñibʌl Betel. I c'aba'ʌch Luz che' ti ñaxan.