Beliebte Verse in John 6

Teilen

Ot kalan Jesus kan chicha, “Sakon chi makan un mangatod si mataguwan chi tagu ing-inggala. Lu silu umali kan sakon ta mamati, achipun mabitin ya achipun mauwaw.

Ha Ispiritun Apudyus chi mangtod si biyeg. Lappun maatod chi long-eg. Cha imbyegbyegak kan chikayu, ked lampeɏpu si Ispiritun Apudyus, ked siya mangatod si biyeg un mallalayun kan chikayu, lu mamati kayu.

Achiyu ungaɏon chi long-egyu si makan un mabyangɏos. Siyad man-ungaɏanyu chi makan un mangtod si biyeg un mallalayun. Ha mangtod si allaʼn makan kan chikayu, ked Sakon un Alak chi Tagu, ti ummallamung si Apudyus un Amak kan sakon.”

Ti ha pion Amak, losan un mamigbig ya mamati si Alak, awed biyegla un mallalayun. Ked pauliyok chicha taguwon si alungus chi eɏgew.”

Summongbyat si Jesus, “Ha pion Apudyus un koonyu ked patiyonyu sakon un imbuunla.”

Cha losan un taguʼn impiyeɏn Ama kan sakon, ked mamaticha kan sakon ya losan un mamati kan sakon, ked achipunku peɏyawon.

Ot summongbyat si Simon Peter un kalala, “Apu, simman bo ayanmi? Sika abus chi mangibyega si ugud un mangtod si biyeg un mallalayun.

Sakon chi latattagu un makan un lampeɏpuʼd langit. Lu silu mangan si makan alla, matatagu si ing-inggala. Ha makan un maatodku ked ha long-egku, ta siya malagu kan cha losan un tagu utla lubung.”

Lappun tagù umali kan sakon mamati lu achipun Amak un langibuun kan sakon pakatamon, ked pauliyok taguwon chicha si alungus chi eɏgew.

Ti ha tuttuwaʼn makan un idchon Apudyus ked siya umaliʼn mampeɏpuʼd langit un mangtod si mataguwan cha tagu.”

Ti Sakon chi makan un mangatod si mallalayun un biyeg.

Ot illaɏan Jesus chi tilapay ot lanyaman kan Apudyus asila ot paiwaɏas kan cha amod un taguʼn ummamuy. Katchi bo killingwala si ikan. Ot langan cha inggala latlat-opcha. Laamincha pun lassug, kalala kan cha disipulusla, “Chaguponyu cha lasaweɏ ta achi kenga.”

Umoy si olom un kilamitro kaachayucha, ot intullongcha si Jesus un malidtidchaɏan si lap-at chi chelum un umad-achali kan chikami, ot lakaogyatcha. Ngim kakmala imbyega, “Achi kayu umogyat, Sakon laoy.”