Beliebte Verse in John 12

Teilen

Lu silu mansimbi kan sakon, masapuɏʼn tun-ucholak. Ta lu chilu ayak, awed kayu bo un disipulusku. Ked pachayawan Amak cha mansimbi kan sakon.”

Lu silu mamotpotog si biyegla ked mataɏakla mit laing. Ngim lu silu mangibilang si biyegla utla lubung un lappun potogla, ked matatagu ing-inggala.

Tuttuwa allaʼn ibyegak kan chikayu. Achipun umachu chi bukeɏ lu achipun mimuɏa si pita ya matoy. Sissiyan ossaan. Ngim lu mimuɏa ya tummubu, asi ot mamunga si achu.

Ummaliyak un silaw utla lubung ta achipun iinggew si manggikbot cha mamati kan sakon.

“Achipunku chusaon cha manchongeɏ si ugudku ya achipunla tuttuwaon. Ti chakampun si ummaliyak ta inyak chusaon cha tagu, ngim ummaliyak ta taguwok chicha.

Ot langaɏa si Mary si kagodwan chi litro un apɏus chi nardo, un amod chi ngilalan byangbyanglu. Ot insiitla si cha ikin Jesus ot pilulasala si buukla. Ot malomchommachom chi sungsungla si byeɏoy.

Ot langaɏacha si byaing chi palma ot ummoycha ilabot siya un inyip-ipkawcha, “Machaychayaw si Apudyus! Binchisyulan otyan Apudyus chi umali si ngachen Apu! Binchisyulan otyan Apudyus chi Arin chi Israel.”

Kalan Jesus kan chicha, “Gummatong chi timpu un michayawan chi Alak chi Tagu.