Beliebte Verse in Khuurakikha 9

Teilen

Indi luundi Wele waaloma ari, “Indikhuurawo khaabonelo khe ndakaano isi ise ndi khuukhola ni nawe, atweela ni biilamu byoosi bibiili ni nawe, khulwe kimiboolo kikiitsa mu moni: Indikhuurawo luufutu lwase mu namufweeli. Luufutu luno kane lubatsake khaabonelo khe ndakaano akari aase ni shibala.

Buli lweesi kane luufutu lubonekhatsakile mu namufweeli, ikhaalulolatsakekho ishebulile indakaano ikhaliwawo ta akari aase, ni biilamu byoosi bibiili khu shibala.”

Umuundu yeesi ukane akhoonye umuundu washeewe, naye aakha khukhwiiribwa n'umuundu ukuundi, lwekhuuba buli muundu yeesi aabuumbibwa mu shifwaani sha Wele.

Nga bino byaweele, kila Umukasya awa Nowa ni basooleli beewe tsikhabi nga aloma ari, “Ni musaalane, mubalaahe, mwitsule khu shibala shoosi.

Buli shitweela khu biindu bino byoosi, naabibaweele khuuba she khuulya, khuutubaasa khu bilime byoosi bye mu shibala, khuuba biilyo byeenywe.

Bisolo byoosi bye khu shibala ni binywiinywi byoosi, ni bibyalaamila aasi byoosi, atweela ni tsinyeeni tseene, kane bibaryaatsake inywe babaandu. Bino byoosi ise naabireere aasi eenywe.

“Ne ingana iwe usaale babaana baakali, ni nabo basaalane luukali babalaahe, babalaahe khu shibala shoosi.”