Beliebte Verse in JUAN 15

Teilen

“Werhtćha ni uw śqaltki, niźaśa anćhukki ni śqal piśnakćhukćha. Niźaśa ni wethtan chika źelhñiki niźaśa werhki nïźtan chika źelućha, xalla nïki añcha taź ćhheriź poqćha; niźaśa ana wethtanaki anćhukki anaź ćhhulumi päyi atasaćha.

Niźaśa anćhukki śuma quśtanpanź wethkiś khekićha, xaqhnuź werhki anćhukatan śuma quśtanźlaxa xalla niźtaśaqaś khekićha. Niźaśa tshi uw śqalaki anaź perśunpacha uwa poqasaćha, ans ni uw śqalkinpan śep'ichićha; niźaśa niźta irataź anćhukki anaź perśunpacha poqi atasaćha, ana anćhuk wethtan thapa quśtan khesaź nïki.

“Niźaśa anćhukki wethtan chikaź qamakiź nïki, niźaśa weriź thaxinta xaruź qamakiź nïki, anćhukki źmaya ćhhuluqaź pekćhani, xalla nïki thätaź khekićha.

Niźaśa anćhukki ana werh illśinćhukćha, ans werhćha anćhuk illśinki, neqhśtan werhćha anćhuk thaxnaxu kuchanchinki niźaśa ni Yöś śuma kintu chhichaxu, niźaśa ni Yöś śuma kintu parlita ćhheriki wiñayax thurla; niźaśa anćhukaź Ephźkin weth thükiś maytanakaki, xalla ni Yöś Ephki anćhukakiś thäkićha.

Anaź jëkhmi tïźkiśtan tshanti oqśñiki źelhćha, niźaśa nïź maśinakźkiśtan perśun źeti thäñimi.

Tshi weth uw śqalanakkiśtan anaź uwa poqakiź nïki, q'achśtaź khekićha; niźaśa uwaź poqakiź nïki, ni śqala tshanti poqaxu qorakićha niźaśa nïź ana ćhherñi piś itsanaka k'uthźinakićha.

Xalla tïćha weth lïki: Anćhukki porapat oqsasakićha, xaqnuźt werhki anćhuk oqśinźlaxa xalla niźta.

Niźaśa anćhukaź taź ćhheri poqan, ni weth Ephki añchaź chipakićha, xalla niźtikiśtan anćhukki weth cheqan thaxintanaka khesaćha.

“Werhtćha ni cheqpach uw śqaltki, niźaśa weth Ephćha ni ćhhakhñiki.

Niźaśa ni ana wethtan chika źelhñiki śawk thxotaź khekićha, niźaśa tshi itsanaka jurźku ujkiś ujsla xalla niźta ujźtaź khekićha.

“Xalla tuź chiyućha anćhuk wethtan chipapan khexu, niźaśa anćhuka quśkiś chipchipan khexu.

Niźaśa anćhukki ni weth lïxaruź qamakiź nïki, weth oqśñi quśkiś qamakićha, xaqhnuź werhki weth Ephź lï kaśtućhaxa, niźaśa nïź oqśñi quśkiśl qamućha.

Xalla til anćhukakiś chiyućha: Niźaśa anćhukki porapat oqsasakićha.

Niźaśa anćhukki ana ni Yöś kirïchi źoñinakaźtaqaś khesaź nïki, ti yoqkiś źelhñi źoñinakaki anćhukź pekasaćha, xaqhnuź ninakpora oqsasñiźlax xalla niźta. Niźaśa werhki anćhuk ni ana Yöś kirïchinakźkiśtan illśinćha, xalla niźtikiśtan ni ana Yöś kirïchi źoñinakaki anćhuk ćhhaxwćha.