Beliebte Verse in Māteo 7

Teilen

»E no-noꞌi ki te ꞌAtua, he vaꞌai atu; e kimi, he haka takeꞌa atu; e pātōtō te ꞌōpani, he mātaki atu.

Ki te kope no-noꞌi, paꞌi, he vaꞌai; ki te kope kimi, he haka takeꞌa; ꞌe ki te kope pātōtō, he mātaki ki a ia.

»Te nuꞌu haka roŋo ꞌe aŋa i tāꞌaku meꞌe kī pa he taŋata manaꞌu riva-riva aŋa i tōꞌona hare ꞌi ruŋa i te kona hio-hio.

»E aŋa kōrua ki te rua i te meꞌe haŋa e kōrua mo aŋa atu e te rua. Ko te meꞌe nei te hāpī mau o te meꞌe pāpaꞌi e Mōtē ꞌe e te perofeta.

ꞌE, te ꞌōpani mo uru ki te ara o te ora ꞌina he hopeꞌa raꞌa e vako-vako rō ꞌā ꞌe aŋa riꞌa-riꞌa te haꞌere te oho a roto, ꞌe nuꞌu taꞌe rahi te nuꞌu oꞌo ki ira.

»E uru kōrua a roto i te ꞌōpani vako-vako. Te ꞌōpani uru ki te pōꞌauahi e ꞌaꞌano rō ꞌana ꞌe te ara oho ki ira e nui-nui rō ꞌā, ꞌe e rahi rō ꞌana te taŋata uru ꞌe haꞌere a rā ara.

»Mo ai ko ꞌite ꞌana a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi hai meꞌe riva-riva ki te nuꞌu no-noꞌi ki a ia?

»Ka haka rē te kōrua kī i te hape o te rua, ꞌo kī atu e te ꞌAtua i te kōrua hape. Taꞌe, paꞌi, i a kōrua te parau mo ture. Pa he ture iŋa o kōrua i te rua, pē ira ꞌā te ꞌAtua ka ture atu ena i a kōrua. Pa he pūai o te kōrua kī iŋa i te hape o te rua, pē ira ꞌā te pūai ka kī atu ena e te ꞌAtua i te kōrua hape.

»ꞌE te nuꞌu ŋaroꞌa ꞌe taꞌe haꞌatura ki tāꞌaku meꞌe kī pa he taŋata maꞌa-maꞌa aŋa i tōꞌona hare ꞌi ruŋa i te ꞌone.

»¿He aha koe e uꞌi ena i te pua mauku o roto i te mata o tuꞌu taina, ꞌe ꞌina koe he uꞌi i te pou o roto i tuꞌu mata? ꞌE, mo ai ꞌi roto i tuꞌu mata e tahi pou, ¿pē hē ia koe ana kī ki tuꞌu taina: “Ka haka rē ki toꞌo atu i te pua mauku mai roto i tuꞌu mata”?

»E uꞌi kōrua e te nuꞌu reo-reo haka tuꞌu i a rāua pa he nuꞌu vānaŋa hai ꞌīŋoa o te ꞌAtua. E oho atu ena pa he māmoe, ꞌe te roto pa he paiheŋa taehae ꞌā. E aŋi-aŋi nō e kōrua ko ai a rāua hai meꞌe aŋa. Te vino, paꞌi, ꞌe te pika ꞌina he kato mai ruŋa i te tumu pū-pū.

Te tumu riva-riva he meꞌe riva-riva te meꞌe hua mo kai, ꞌe te tumu rake-rake he meꞌe rake-rake.

ꞌIna he tumu riva-riva hua o te meꞌe rake-rake, ꞌe ꞌina he tumu rake-rake hua o te meꞌe riva-riva.

Taꞌatoꞌa tumu hua o te meꞌe rake-rake, he paꞌo he hoa ki roto i te ahi.