Beliebte Verse in Karikani B'aai 28

Teilen

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Ao e uti Iakob'a, ao e taku, “E mena te UEA ikai. E mena n te tabo aei, ao I aki ataia.”

Ao e karaoa ana berita Iakob'a nakon te UEA, ao e taku, “Ngkana tao Ko irai mani kaawakinai ni kawaiu aei ma n anganai te am'arake ma te kunnikai, ao ngkana arona b'a I okirikaaki nakon au auti ma te rau, ao Ko na riki b'a Atuau. E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Ao e arana te tabo arei b'a “Betaera.” (Aran te kaawa aei ngkoa bon Ruti)