Beliebte Verse in Karikani B'aai 26

Teilen

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki. N na bon kakab'aiako i bukina ngke e a tia n ongotaeka tamam are Aberaam i Rou, e kaawakin Au tua ma Au kaetieti ni kabane.”

Ao e a manga kitana ikekei, ao e a manga kena te m'anib'a riki teuana, ao ai bon akea te kamangaongao n aei, ma ngaia are, e a aranna b'a “Inaomata.” Ao e taku, E a anganiira ngkai te inaomata te Atua ni maeka n te aba aei, ao ti nang bon taia arora ikai.

Ao E a tia ni kaoti te UEA nakon Itaaka ma n taku, “Ko na aki nako Aikubita; tiiku n te aba aei n aron are I tuangko b'a ko na tiku iai.

Ao e karaoa te baonikarea Itaaka ikekei, ao e taromauria te UEA. Ao i mwiina, e katea ana auti n rianna ikekei, ao a manga kena riki te m'anib'a teuana ana toro.