Beliebte Verse in Karikani B'aai 24

Teilen

Ao e tataro nakon te Atua ao e taku, “Te UEA, ae Atuan au toka are Aberaam, Ko na kakoroa bukin au waaki n te bong aei, ao kawakina am Berita nakon au toka.

N na taetae nakon temanna mai buakoia ni kaangai, ‘Taiaoka, anganai am tiaeki n ran b'a N na mooi iai teutana.’ Ao ngkana e kaangai, ‘Moi, ao N na kamooia naba am kamero,’ ao tera ngke ngaia anne te aine ae Ko a tia n rineia i bukin am toro are Itaaka. Ngkana e riki aio, ao I ataia ngkanne b'a Ko bon kakoroa bukin am Berita ma au toka.”

Ao e a kaira Nei Rebeka nakon te auti n rianna are e maeka iai ngkoa tinana are Nei Taara, ao e a riki b'a buuna. E rangi n tangira Nei Rebeka Itaaka, ao e a riki ni m'aninga iai nanokaawakina ni buan tinana.

Ao a angan Nei Rebeka taeka ni kakab'aia aikai: “Ke ko riki ngkoe ae m'anera b'a tinaia mirion. Ke a taui aia kaawa aia kairiribai kanoam.”

b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan. Ma ko na okirikaaki nakon te aba are I bungiaki iai, ao ko na karekea iai buun natiu te mm'aane are Itaaka mai buakoia au utu.”