Beliebte Verse in Karikani B'aai 21

Teilen

E kakab'aiaa Nei Taara te UEA n aron are E a tia n berita iai

Ao E ongo te Atua tangin te ataei arei, ao E a taetae te anera mai karawa nakon Nei Aka, ao e taku, “Tera ae aki rau nanom iai Nei Aka? Tai maaku. E ongo tangin te ataei te Atua. Teirake, ao naako anaia, ao katoka tangina. N na karekea te botannaomata ae korakora mairouia kanoana.”

ao e a bikoukou, ao e bungiia natin Aberaam te mm'aane ngke e a bon kara Aberaam. E bungiaki te tei arei ni bon te tai are e taekinna te UEA b'a e na bungiaki iai.

Ao e taku Nei Taara, “E a tia ni kakukureiai ma ni kangarengareai te Atua. Naake a ongo naba aei, a na ngare naba ma ngai.

Ma E taku te Atua nakon Aberaam, “Ko na tai raraoma iroun te ataei ma Nei Aka are te toro. Karaoa te b'ai ane tuangko Nei Taara, i bukina b'a N na karekeia kanoam iroun Itaaka n aron au berita ngkoa nakoim.

Ao N na karekeia naba natin Itimaera aika m'aiti, are natin Nei Aka are te toro te aine, b'a aonga n riki b'a te botannaomata ae korakora. Ao bon natim naba te mm'aane ngaia.”