Beliebte Verse in लू‍कस 20

Teilen

ख़ने आस आरिन बाचस, “होले कैसरस गे एन्‍देर चि'अना र'ई, अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।”

फिन येसुस आर ही तरा ऎररकी बाचस, “फिन ईद एन्‍देर नेम्हा पुथी नू लिख्रकी र'ई? ‘एका पखना आबोन राजमिस्‍त्रिर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा।’

“नॆग सिखाब'उर ती चिहुंक र'आ। आर दिगहा किचरी अत्तरकी कुद्दका कुद्दनर, अरा बजार टोंका गुट्ठी नू मोंजरा ख़क्‍खा गे बेद्दनर। आर गोड़हा एड़पा गुट्ठी नू मुध मचिया गुट्ठिन अरा मदी गुट्ठी नू म‍ईन अड्डा गुट्ठिन ख़क्‍खा गे बेद्दनर। आर रड़ियाहीर ही एड़पन अमल'अनर, अरा आर धरम नू तमन कोहाँ ऎद'आ गे दिगहा दिगहा बिन्‍ती नन्‍नर। धर्मेस आर गे कोड़हे दंडे चि'ओस।”