Beliebte Verse in INṬANNA 26

Teilen

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih: Abraham chun ka thu a awi a, ka hrilhai , ka thupêkhai, ka thuruothai, ka dânhai khawm a zâwm lei khan,” a ti a.

Chutaka inthawk chu ân tâwl a, tuisunsuo dang a cho nâwk a: chu ruok chu chu lâkpêk tumin an insêlpui ta naw a: chuongchun, “Tuhin chu LALPAIN hmun lientak a mi siempêk ta a, hi rama hin chi tamtak thla tâng ei tih,” tiin, a hmingah Rehoboth ân bûk a.

Chun, LALPA chu a kuomah a hung inlâr a, “Aigupta rama chun zu fe naw rawh; ram ka hril ding chea chun um rawh.

Chuongchun, chutaka chun maichâm a siem a, LALPA hming a lam a, chutaka chun a puon in a zar bawk a. Chun, Isak siehlawhai chun chutaka chun tuisunsuo an cho nâwk a.