Beliebte Verse in Johan 5

Teilen

“Tängai ö, nang ce tea kai ma thui saite lo thai kha kai bung mätaw saite Kung tea yng te khimi ce lä dungtäsa hing te dang vi. Säthaw ma äni tea dengpy y käla ma kädü thung üng hing te mang-a aekae hai pa vi dy.

Äni aesawng te Isu ma nung dylä äni naw te qae bärai te mäny kha “Nang lä naw te hawi hethang ngai mei” näkha düng pa.

Caekäcai phai dylä dungtäsa hing te dang ai müng näkha aedawng te hai Caekäcai tea phai kha dawng mäsüng khü ö te vi. Honi Caekäcai lä Kai üng phüng tea thui saite lo kae vi. Tungaila nang ce lä hing te dang hethang tähang-a kai tea ly he ngai ö y.

Tukha Isu ma “Aetha, nang üng i nae la kha aeke lawi cü” näpa. Äni la qengtäma naw te hawi praw kha äma üng i nae la ea aeke pa dy. Honi käni la Aehae te Käni vi.

Isu ma Judae mätawngky na tea “Tängai ö. Kai Äcäpaw, lä kai ma üng kängai kätyng-a äte haetä la sa haw y. Pä-ai sa saite nung kha hini kätyng sa te kae. Pä-ai sa saite na ni kai, Äcäpaw, la sa te kae.