Beliebte Verse in Иоанн 15

Teilen

Мен – Тӧс Сап, слер – саптар. Кем Менде болор, Мен де оныҥ бойында болорым, ол кӧп јиилек ӧскӱрер. Мен јокко нени де эдип болбозыгар.

Мениҥ Бойымда болуп туругар, Мен де слердиҥ бойыгарда болорым. Сап тӧс сабында болбозо, алдынаҥ бойы јиилек ӧскӱрип болбос, анайып ок слер де Менде болбозогор, нени де ӧскӱрип албазыгар.

Слер Менде болуп турзагар, Мениҥ сӧзим слерде болуп турза, нени ле кӱӱнзеп турганыгарды сурагар, слерге болор.

Слер Мени талдап алган эмезигер, Мен слерди талдап алдым. Слерди барып, јиилек экелип турзын, ӧскӱргенигер јоголбой, бар болуп турзын деп, Мениҥ адымда Аданаҥ нени де суразагар, оны Ол слерге берзин деп, слерди туттым.

Бойыныҥ најылары учун јӱрӱмин берер сӱӱштеҥ артык сӱӱш јок.

Мендеги јиилеги бӱтпес кандый ла сапты Ол кезип јат. Јиилеги бӱткенди дезе, јиилеги оноҥ кӧп болзын деп, арчып јат.

Бу – Мениҥ јакылтам: Мен слерге карузыгамдый, бойы бойыгарга карузып јӱригер.

Кӧп јиилек ӧскӱрип, Мениҥ ӱренчиктерим боло берзегер, Адам онызыла макталар.

Мен – виноградтыҥ чын Тӧс Сабы, Адам дезе – виноград Ӧскӱреечи.

Менде болбогоны сап чылап чыгара ташталып, кургап калар. Олорды јууп алып отко таштайдылар, олор кӱйӱп каладылар.

Сӱӱнчим слерде болзын, сӱӱнчигер толо болзын деп, бу мыны слерге айттым.

Мениҥ јакылталарымды бӱдӱрип јӱрер болзогор, Мениҥ сӱӱжимде јӱреригер. Анайып Мен де: Мен Адамныҥ јакылталарын бӱдӱрип, Оныҥ сӱӱжинде јӱрӱп јадым.

Бат, Мениҥ слерге јакылтам: бойы бойыгарга карузып јӱригер!

Слер телекейдеҥ болгон болзогор, телекей бойындыйын сӱӱр эди. Је слер телекейдеҥ эместе, Мен слерди телекейдеҥ ылгап алгамда, слерди телекей јаман кӧрӱп јат.