Beliebte Verse in Kod 17

Teilen

Abramu saan bi kɔnɔntɔn ni kɔnɔntɔnnan na, Masaba y'a yɛrɛ yira a la k'a fɔ a ye ko: «Ne le ye Setigi Ala ye. I ka taama ne ɲakɔrɔ cogoɲuman na.

I tena wele Abramu tugu, i bena wele ko Ibrayima, bari ne y'i kɛ siya caaman faa ye.

Ne bena bɛn n'i ye, an'i kɔmɔgɔw. O bɛɛn tena cɛn abada, ne be kɛ i ka Ala ye, n'i kɔmɔgɔw ta.

«Ne be layidu min ta i ye, o filɛ. I bena kɛ siya caaman faa ye.

Ala ko: «Kana siga, i muso Sara bena dencɛ wolo i ye, i ben'a tɔgɔ la ko Isiyaka. Ne bena bɛɛn n'a ye, bɛɛn lo min te cɛn abada fɔɔ ka ta'a bila a kɔmɔgɔw ma.

I nana sigi Kanaan jamana min kɔnɔ, ne bena o bɛɛ di e, n'i kɔmɔgɔw ma, a ka kɛ aw ta ye kudayi. Ne bena kɛ u ka Ala ye.»

Ibrayima y'a kunbiri gwan k'a ɲaa biri duguma, ka yɛlɛ k'a fɔ a yɛrɛ kɔnɔ ko: «Cɛɛ min ye saan kɛmɛ sɔrɔ, o be deen sɔrɔ wa? Sara saan bi kɔnɔntɔn be se ka deen wolo tugu wa?»

Ala y'a fɔ Ibrayima ye tugu ko: «I muso Sarayi kɔni, ale tena wele Sarayi tugu, a bena wele Sara.

Aw bena kɛnɛkɛnɛ, o ka kɛ an ka bɛɛn taamasiɲɛ ye.

Nga ne bena bɛn ni Isiyaka le ye, Sara bena min wolo i ye saan wɛrɛ, nin waati ɲɔgɔn na.»

Aw bena aw ka dencɛw bɛɛ kɛnɛkɛnɛ u wolonin tile seeginan loon, o ka kɛ i kɔmɔgɔw bɛɛ ka tile la. Deen cɛman min mana wolo aw ka soo, o ka kan ka kɛnɛkɛnɛ, hali ni jɔɔn ka deen lo n'i y'a san siya wɛrɛw fɛ. Minw wolola aw ka soo, ani aw ye minw san, olu ka kɛnɛkɛnɛ. Ne ka bɛɛn tena cɛn ka ye, a taamasiɲɛ ka kan ka kɛ aw fari la.