Beliebte Verse in Eòin 13

Teilen

Aithne nuadh tha mi a’ toirt dhuibh, gun gràdhaich sibh a chèile; mar a ghràdhaich mise sibhse, gun gràdhaich sibh fhèin a chèile mar an ceudna. Le seo aithnichidh na h‑uile dhaoine gur sibh mo dheisciobail‐sa, ma bhios gràdh agaibh fhèin da chèile.

Uime sin ma dh’ionnlaid mise, ur Tighearna agus ur Maighistir, ur casan‐se, is còir dhuibhse mar an ceudna casan a chèile ionnlad. Oir thug mi eisempleir dhuibh, a‑chum mar a rinn mise dhuibh, gun dèanadh sibhse mar an ceudna.

Fhreagair Iosa agus thubhairt e ris, An nì seo a tha mi a’ dèanamh chan aithne dhutsa a‑nis; ach bidh fhios agad air an dèidh seo.

Gu deimhinn deimhinn tha mi ag ràdh ribh, cha mhò an t‑òglach na a mhaighistir, agus cha mhò an teachdaire na an tì a chuir uaithe e.

Mas aithne dhuibh na nithean seo, is beannaichte sibh ma nì sibh iad.

Dh’èirich e on t‑suipeir, agus chuir e dheth a fhallaing, agus ghlac e làmh‐anart, agus cheangail e uime e. Na dhèidh sin, thaom e uisge ann an soitheach‐ionnlaid, agus thòisich e air casan nan deisciobal ionnlad, agus an tiormachadh leis an làmh‐anart a bha ceangailte uime.