Beliebte Verse in Матта 5

Teilen

Сондай-ақ шыраны жаққаннан соң, оны ыдыстың астына емес, ал шыра қойғышқа қояды, сонда ол үйдегилердиң ҳәммесине өз жақтысын түсиреди. Сол сыяқлы, сизлердиң нурыңыз адамлардың алдында жарқырай берсин. Адамлар сизлердиң жақсы ислериңизди көрип, аспандағы Әкеңизди даңққа бөлесин!

Сизлер – дүньяның нурысызлар. Таў басына салынған қала жасырын болып қалмайды.

Пәк кеўиллилер бахытлы! Олар Қудайды көреди.

Ҳақлыққа мүтәж болғанлар бахытлы! Қудай оларды толық қанаатландырады.

Ал Мениң сизлерге айтатуғыным: душпанларыңызды сүйиңлер, сизлерди қуўдалайтуғынлар ушын дуўа етиңлер.

– Руўхый жарлы болғанлар бахытлы! Аспан Патшалығы олардики!

Жарастырыўшылар бахытлы! Олар Қудайдың балалары деп аталады.

Қайғырып жүргенлер бахытлы! Олар жубаныш табады.

Ҳақлық ушын қуўдаланғанлар бахытлы! Аспан Патшалығы олардики.

Мийрим-шәпәәтлилер бахытлы! Олар мийрим-шәпәәт алады.

Адамлар сизлерди Мен себепли хорласа, қуўдаласа, ҳәр түрли өтирик сөзлер менен жаманласа, сизлер бахытлысызлар! Қуўаныңлар ҳәм шадланыңлар! Өйткени сизлердиң аспандағы сыйыңыз үлкен. Сизлерден бурынғы пайғамбарларды да усылай қуўдалаған.

Кишипейиллилер бахытлы! Олар жер жүзине ийелик етеди.

– Сизлер – дүньяның дузысызлар. Бирақ дуз өз күшин жойтса, оны қалай және шорлы қылыўға болады? Онда ол ҳеш нәрсеге жарамайды, тек шығарып тасланып, адамлардың аяғы астында басылып қалады.

Солай етип, аспандағы Әкеңиздиң минсиз болғаны сыяқлы, сизлер де минсиз болыңлар!

Сизлердиң: «аўа» сөзиңиз «аўа» ямаса «яқ» сөзиңиз «яқ» болсын, буннан басқасы шайтаннан.

– Сизлер: «Көзге көз, тиске тис», – дегенди еситкенсиз. Ал Мениң сизлерге айтатуғыным: жаман адам менен қарсыласпаңлар. Биреў бетиңниң оң жағына урса, оған бетиңниң сол жағын да тут.

Егер сени оң көзиң азғырса, оны ойып тасла. Себеби пүткил денеңниң дозаққа түскенинен гөре, бир мүшеңниң жоқ болғаны саған жақсырақ болады. Егер сени оң қолың азғырса, оны шаўып тасла. Пүткил денеңниң дозаққа түскенинен гөре, бир мүшеңниң жоқ болғаны саған жақсырақ болады.