Beliebte Verse in Markus 13

Teilen

Tumen vela hakoneste midžike vaške mange ta miro labester. Kon ta rikerela džin palduno vri, kova vela hilderdo.

Dikhene, priserena ta han džangle, tume džanena gar, kai hi les ciro.

Ta dena jon tume prala kome, pala bichen tume gar sikeder, ho mo ta rakerenas tume, foni, ho vel tumen drin delto ani kova kori ho rakerlo; ta gar tume hanes, kai rakerena, les hi o boldo mulo.

O bolapen ta o phub džalen vri, ta miri labenge vel ta džalen gar vri.

Kova dives ta kola kori džanela kenkes, nina o engle ani bolapen gar, kome gar o čavo, foni o dad.

Tu hunen tume i kurapenester ta i kurapenester krisni, pala daren tume gar; ta kova hunte vel, ta les hi kome gar vri.

Han kome džanglo, tume džanena gar, kai vela o rai i kherester, brevul ta o maškeral rateske, paši bašnestergodlopen ta taisirlakro! Gar, kai ta velo sik, ta hacelo tumen sutlo. Ho ta phenau me tumen, kava phenau me hakene: Džanglen tume!

Ta veles midžik čel api čel, ta them api them, ta venes phubiakertrisapen, čordopen ta veles. Kava hi o sikederdukhapen.

Ta hake čelenge hunte vel sikeder o sastobičerpenes (evangelio) rakerdo.

But ta vena tela miro lab ta phenen me homes, ta chocherena buteder an.

Dena tume jak apa tumende! Jon ta dena tume prala o krisniester, ta ani kangeri veles tume kurdo, ta glano baro raienge ta kralenge vel tume tardo vaške mange, lenge o čačopenester.

Ta venas vaver Christusa ta vaver profetenge preštardo, ta keren pena bote ta baro kova, ta chocherena kola našte vel o lače dženenge.

An kola divesenge pala kana midžikopenester vela o kham tameldo, ta o tikno kham dela leskr momeli gar. I cirna o bolapenester pejena tele ta i zorelopenende kai hi len an o bolapen velen triserdo.