Beliebte Verse in Zhenɛsi 3

Teilen

A jɛlɛ wì sigi yan fɔ tige ki pire ti yaa pye yaakara tanra, ti yɛn ma yɔn lere mbaa ti wele, konaa na maga ka ka ki mbe ya tijinliwɛ kan ma yeri. A wì si ka cɔ ma ka, mɛɛ ka kan wi pɔlɔ wi yeri le wi yɛɛ tanla, a wo fun wìgi ka.

Woŋgaala mbele Yawe Yɛnŋɛlɛ làa da, wɔɔgɔ kìla jilige ma wɛ pe ni fuun pe na. A Wɔɔgɔ kì si kaa jɛlɛ wi yewe maa pye fɔ: «Ki yɛn kaselege fɔ Yɛnŋɛlɛ lì yo yaga kaa naŋgɔ kɔlɔgɔ tire pire ti ni fuun ti kaa le?»

Mi yaa mbɛnwɛ le mboro naa jɛlɛ wi ni ye sɔgɔwɔ, mbe mbɛnwɛ le ma setirige piile poro naa jɛlɛ wi setirige piile pe sɔgɔwɔ. Jɛlɛ wi setirige piile pe yaa ka ma go ki yaari, mboro fun ma yaa ka pe nɔ wa pe tɔndanra ti na.»

Kona, a Yɛnŋɛlɛ lì si jɛlɛ wi pye fɔ: «Mi yaa pisege tere ti ŋgban ma na fɔ jɛŋgɛ. Ma yaa jɔlɔ mbe si jɛn mbe se. Ma jatere wi yaa pye ma pɔlɔ wo na, wi yaa pye ma go na.»

Ma yaa kafugo tulu wa ma walɛgɛ ki na mbe wa, si jɛn mbe yaakara ta, fɔ ma ka sa sɔngɔrɔ wa tara ti ni; katugu pa mà yiri wa tara ti ni. Taambugɔ kì tɛgɛ mɔɔ gbegele, ma yaa ka sɔngɔrɔ wa taambugɔ ki ni.»

A Yɛnŋɛlɛ lì si naŋa wo pye fɔ: «Tige pige ŋga mìla yo maga ka ka ka, kì kaa pye mɔ̀ɔ jɔ wi sɛnrɛ ti logo maga ka, ki kala na, tara tì daŋga ma kala na. Ma yaa jɔlɔ jɛŋgɛ si jɛn mbe yaakara ta wa tara ti ni ma yinwege piliye yi ni fuun yi ni.

A Yawe Yɛnŋɛlɛ lì suu pye fɔ: «Ambɔ wìgi yo ma kan ma yo ma yɛn witiwaga? Tige pige ŋga mì yo maga ka ka ka, ko ka ma ma ka le?»

A lì si lere wi purɔ maa wɔ wa, mɛɛ mɛrɛgɛye mbele pe yinri sherubɛnye pele tɛgɛ wa Edɛn naŋgɔ kɔlɔgɔ ki yɔnlɔ yirisaga yeri, konaa kasɔn tokobi ni, konɔ na li maa kee wa tige ŋga ki maa yinwege kaan ki yeri, a wo na figefige nali kɔrɔsi.

Kona, naŋa we, wo ŋa pe yinri Adama, a wì suu jɔ wi mɛgɛ taga naa yinri Awa, ko kɔrɔ wo yɛn yinwege, katugu wo wi yɛn leweele pe ni fuun pe nɔ we.